खोज

बुटवल, २१ मंसिर ।

आगामी चुनावमा नेपाली कम्युनिष्ट पार्टीको कसैसँग पनि गठबन्धन नहुने र विचारको आधारमा पछिल्लो नयाँ एकीकरण भएको नेता देवबहादुर गुरुङ्गले बताएका छन् । उनले एकीकरण समयको माग र देशको आवश्यकता रहेको भन्दै यस्ले देशलाई सही दिशमा लैजान सक्ने बलियो आधार खडा गरेको बताए । आइतवार रुपन्देहीको नेपाली कम्युनिष्ट पाटी एकता घोषणा कार्यक्रममा बोल्दै गुरुङ्गले यस्तो बताएका हुन् ।

उनले विगतमा भएका एकताहरुलाई आत्मसात गर्दे अहिलको एकिकरण भएकाले राम्रो प्रभाव छाड्ने बताए । प्राप्त उपलब्धीलाई रक्षा गर्नु अहिले आवश्यकता रहेको भन्दै एकीकरणले अभिभावको जिम्मेवारी पुरा गर्नु पर्ने दायित्व रहेको बताए । उनले चुनावले मात्रै निकास दिने भएकाले जसरी पनि चुनाव आवश्यक रहेको जिकिर गरे ।

उनले बाहिर रहेका दलका घटकहरुलाई पनि समायोजना ल्याउन प्रयास जारी रहेको छिटै उनीहरु पनि एकीकरणमा सहभागी भएर पार्टी र देश निर्माणमा सबै सहभागी रहने बताए । उनले एकीकरणबाट आएका सबै नेताहरुलाई आगामी एकता महाधिवेशबाट मिलाउने भन्दै सबैले पाटीलाई सहयोग र सकारात्मक सुझाव दिन आवश्यक रहेको बताए ।

कार्यक्रममा बोल्दै नेता चक्रपाणि खनालले नेतृत्वमा बसेकाहरु भाग्ने र सुरक्षा निकाय निरिह रहेको अवस्था र अहिले अवस्था फर रहेको भन्दै कमीकमजोरीहरुलाई समालेर व्यवहारिक बन्नुको विकल्प नरहेको बताए । उनले जेनजी आन्दोलनका कारण विचार मिल्नेहरुको एकीकरण आवश्यक महसुस भएको बताए । उनले एकीकरणमा सहभागी नभएकाहरु जनार्दन शर्मा, घनश्याम लगायतका नेताहरु अन्त्यमा केपी ओलीकै पक्षमा जाने भन्दै त्यसले नेपाली कम्युनिष्ट पाटीलाई कुनै असर नपार्ने धारणा राखे ।

कार्यक्रममा बोल्दै नेता सोमप्रसाद पाण्डेयले आवश्यकताले एकीकरण भएको भन्दै यसले सकारात्मक सन्देश प्रवाह गरेको बताए । देशलाई निकास दिने पार्टी नेपाली कम्युनिष्ट पार्टीलाई आम सर्वसाधारणको विश्वासले ठुलो पाटी बन्नेमा कुनै शंका नभएको उनको धारणा छ । एकता घोषणा कार्यक्रममा नेता सुदर्शन बराल ,चिनबहादुरु गुरुङ्ग, निर्माल शर्मा लगायतले सम्बोधन गरेका थिए ।