खोज

बुटवल, २२ मङ्सिर ।

लुम्बिनी निर्माण व्यवसायी सङ्घ जिल्ला कार्यसमिति रुपन्देहीले १८ औँ राष्ट्रिय निर्माण दिवसको अवसरमा भैरहवास्थित कार्यालय परिसरमा दीप प्रज्वलन कार्यक्रम सम्पन्न गरेको छ।

कार्यक्रममा उपस्थित वक्ताहरूले निर्माण दिवसले निर्माण व्यवसायीको पहिचान, योगदान र दायित्वलाई उजागर गर्ने महत्त्वपूर्ण अवसर बन्ने बताउँदै वर्तमान परिस्थितिमा निर्माण क्षेत्रले भोगिरहेका चुनौती समाधानका लागि सबै निकाय गम्भीर हुनुपर्ने धारणा राखेकी थिइन ।

केन्द्रीय उपाध्यक्ष टोपबहादुर रायमाझी रायमाझीले मुलुकको कुल भौतिक पूर्वाधार विकास निर्माण व्यवसायीको सक्रिय सहभागितामा निर्भर रहने उल्लेख गर्दै हाल निर्माण क्षेत्रले सामना गरिरहेको भुक्तानी समस्या, ढिलासुस्ती, कानुनी अस्पष्टता र आवश्यक नीति–सुधार जस्ता मुद्दाहरू तत्काल सम्बोधन हुनुपर्नेमा जोड दिए ।

उनले राज्य र निर्माण व्यवसायीबिच सहकार्य मजबुत भए मात्र दिगो विकास सम्भव हुने स्पष्ट पारे ।

उपप्रमुख अधिकारीले स्थानीय तहबाट भइरहेका विकास निर्माणका कामहरूलाई प्रभावकारी बनाउन इमानदारी, पारदर्शिता र गुणस्तरीय कार्यान्वयन अनिवार्य रहेको बताइन ।

उनले निर्माण व्यवसायीहरूले कठिन परिस्थितिमा समेत विकास निर्माणलाई निरन्तर अघि बढाइरहेको योगदानको प्रशंसा गर्दै दिवसले अझ जिम्मेवारी बोध बढाउने विश्वास व्यक्त गरे ।

अध्यक्ष भुसालले सङ्घको भूमिकालाई अझ मजबुत बनाउँदै निर्माण क्षेत्रका समस्या समाधानमा आवाज उठाइरहेको बताए । उनले “निर्माण व्यवसाय मुलुक विकासको मेरुदण्ड हो ।

त्यसैले व्यवसायीले भोगिरहेका चुनौती, कर–जटिलता, ठेक्का प्रक्रियामा देखिने ढिलाइ र भुक्तानी अवरोध जस्ता समस्यामा राज्य तत्काल जिम्मेवार हुनुपर्छ,” ।

कार्यक्रम अध्यक्ष भुसालको अध्यक्षतामा सम्पन्न भएको कार्यक्रममा नेपाल निर्माण व्यवसायी महासङ्घका केन्द्रीय उपाध्यक्ष टोपबहादुर रायमाझी प्रमुख अतिथि तथा सिद्धार्थनगर नगरपालिकाकी उपप्रमुख उमा अधिकारी विशिष्ट अतिथि रहेका थिए ।

साथै, लुम्बिनी प्रदेश निर्माण व्यवसायी सङ्घका उपाध्यक्ष नारायण भुसाल, सहदेव खड्का, कोषाध्यक्ष त्रिभुवन दत्त मिश्र, पूर्व अध्यक्ष तथा सल्लाहकारहरू छेदीलाल श्री वास्तव, दामोदर शर्मा घिमिरे, बलराम शर्मा, मायादेवी च्यारिटेबल फाउन्डेसनका अध्यक्ष रवि कुमार रौनियार लगायतको उपस्थिति रहेको थियो ।

कार्यक्रम संयोजक शुभम रौनियारले अतिथिहरूलाई स्वागत गरेका थिए भने कार्यक्रम सङ्घका महासचिव प्रितम रौनियारको सञ्चालनमा सम्पन्न भएको थियो ।