खोज

“देशभर झरीको अवस्था रहि रहने भएकाले पहिरोको जोखिम आसपासका क्षेत्रमा रहनेहरू सतर्क हुनुहोला” । अचेल यस्तै यस्तै सन्देश आउने गर्छन रोल्पाका सामाजिक, राजनैतिक अगुवा, पत्रकार तथा स्थानीय तह र सुरक्षा निकायका प्रमुखको मोवाईलमा ।
दैनिक विहान आउने यस्ता सन्देशले दिनभरका लागि आवश्यक सतर्कता सहित यात्रा गर्न सहज भएको वताईन्छ । मोवाईलवाट आउने यस्ता सन्देशले आवश्यक तयारी र सावधानीमा सहयोग गरिरहेको जिल्लावासीहरूले वताएका छन । मोवाईलको सन्देश हेरेर दिनभरिको योजना तय गर्ने गर्छु स्थानीय गैससकर्मी याम थापाले भने । समुदायको काममा टाढाको यात्रामा जाँदा पहिरोको जोखिम हुने भएकाले मोवाईलको सन्देशका आधारमा कम जोखिम भएको वेला यात्रा तय गर्ने गरेको थापाको भनाई छ ।
जल तथा मौसम विज्ञान विभाग, बाढी पूर्वानुमान महाशाखावाट हरेक दिन प्रकाशित हुने वुलेटिनलाई राष्ट्रिय आपतकालिन संचालन केन्द्रले देशभरका जिल्ला प्रशासन कार्यालय सम्म प्रवाह गर्ने गर्दछ । उक्त सन्देशलाई जिल्ला प्रशासन कार्यालय सम्म मात्र सिमित नराखी तल सम्म प्रवाह गर्ने परिपारी अनुसार रोल्पामा यस्तो संयन्त्रको विकास गरिएको वताइएको छ ।
जिल्लाका संचारकर्मी, सुरक्षा निकाय, स्थानीय तहका प्रमुख,रेडक्रसकर्मी समेत गरि हाल ८५ व्यक्तिलाई जिल्ला प्रशासन कार्यालयवाट दैनिक सन्देश जाने गर्दछ । सो सन्देशलाई आ आफनो संयन्त्र मार्फत हरेक घरधुरी सम्म पुग्ने वा सन्देशको वारे चौतारी, चियापसल, पानीधारा लगायतका स्थानमा समेत चर्चाको विषय वने धेरै लाभान्वित हुन सक्ने अपेक्षा गरिएको छ । वाढी पहिरो जस्ता प्रकोपवाट मानविय क्षती कम गर्नका लागी संयन्त्र प्रभावकारी हुने वताइएको छ । हाल स्थानीय गैर सरकारी संस्था विकास सरोकार समाज डिकोसले संचालन गरेको पहल कार्यक्रम संग समन्वय गरेर यस्तो सेवा प्रवाह गरिहेका छौ प्रमुख जिल्ला अधिकारी गंजवहादुर एमसीले भने । दैनिक रूपमा प्रवाह हुने सन्देशले पूर्व तयारीमा सहयोग गर्नुका साथै घटना घटि सके पछि पनि तत्काल उद्दार कार्यका लागि सहयोग गर्छ प्रजिअ एमसीले भने ।
अभ्यास गरिएको छोटो समयमै राम्रो प्रतिकृया आएको पहल कार्यक्रमका सरद पोख्रेल जानकारी दिए । स्थानीय सरकारका प्रतिनिधिहरूले सूचनालाई सके जति तल सम्म प्रवाह गरिरहनु भएको छ, पोख्रेलले भने । संयन्त्रको दीगोपनाका लागी स्थानीय सरकारहरूले समेत वजेट विनियोजन गर्न सके कार्यक्रमले निरन्तरता पाउने पोख्रेलको भनाई छ ।
वाढी पहिरोका कारण नेपालमा हरेक वर्ष ३ सय वढीले ज्यान गुमाउदै आएका छन भने ठूलो मात्रामा धनसम्पत्तीको क्षति हुदै आएको छ । सानो लगानीवाट गरिने यस्ता पूर्व तयारीको संयन्त्रले ठूलो मात्रामा हुने धनजनको क्षतीवाट वच्न सकिने जानकारहरू बताउँछन् । à