खोज

विगत चार दशक देखीको विवादलाई नगरपालिकाको न्यायिक समितिले मिलाएर समाधान गरेको छ । रामग्राम नगरपालिकाको न्यायिक समितीले लामो समयदेखि थाती रहेके बिवाद मिलाएको हो । प्रमाण भन्दा मानिसको मनोभावना बुझेर निकास खोज्दा विवाद समाधान मिलाउन सजह हुने भएकोले बर्षौको मनमोटाव हटाएर मुद्दा मिलाइएको समितिले भनाई छ ।
बर्षै देखी विवादीत जग्गा सम्बन्धि समस्याबारे न्यायिक समितिमा पेश भए पछि छलफलको माध्यमले मिलाइए पछि दुबै पक्ष मिलेका थियो । रामग्राम नगरपालिका वडा नं। १५ का अवधराज विश्वकर्मा र भगौती पासी बीच रहेको जग्गा सम्बन्धि विवाद चालिस वर्षपछि आएर मेलमिलापमा मंगलवार टुंग्एिको समितिले जनायो । चालिस वर्षसम्म उनीहरु सो विवाद मिलाउन तत्कालिन गाविस कार्यालय, प्रहरी, जिल्ला प्रसासन कार्यालय लगायतका निकायमा धाउँदा पनि विवाद समाधान भएको थिएन । रामग्राम नगरपालिकाको न्यायिक समितिमा गत जेठ २० गते दर्ता भएको सो विवाद डेढ महिना भित्र मिलाए पछि दुबै पक्ष खुशी भएर गएको न्यायिक समितिमा कार्यरत रामजी शहानीले जानकारी गराए ।
अवधराज विश्वकर्माको नम्बरी जग्गाको अगाडि रहेको भगौति पासीको घरको विषयमा दुवै पक्षबीच विवाद थियो । न्यायिक समितिमा पनि अवधराजले सो घर हटाउनुपर्ने माग राखेर निवेदन दिएका थिए भने भगौतिले आफूलाई हटाउन खोजिएको भन्दै न्याय माग्दै निवेदन दिएका थिए । लामो छलफल पछि मंगलवार सो विवाद मिलाउन सफल भएको न्यायिक समिति संयोजक समेत रहेकी उपमेयर रम्भा कुंवरले बताईन । दुवै पक्षबीच भगौति पासीको घर आगामी कार्तिक मसान्त भित्र हटाई सो घर बनेको ईट्टा, ढुंगा, काठहरु भगौति पासीले लैजाने र सामग्री लैँजादाँ लाग्ने खर्च अवधराजले मंगलवार नै भगौतिलाई दिने सहमति पत्रमा हस्ताक्षर भएको थियो । उनका अनुसार हस्ताक्षर पछि अवधराजले सो खर्च बापत उपलब्ध गराएको १० हजार ५ सय रुपैँया न्यायिक समिति संयोजक कुंवरले भगौतिकी श्रीमती मन्जु पासीलाई हस्तान्तरण गर्दै मुद्दाको टुगोँ लगाइएको हो । उनीहरुले अव असल छिमेकी भएर मिलीजुली बस्ने सहमति पनि गरेका छन् ।

तीन महिला कूटिए
विन्दु कुमार चौहान
लुम्बिनी ९ साउन ।
राज्यले महिलाहिन्सा न्यूनीकरण गर्न नयाँ कानून ल्याउने तयारी गरिरहेको बेला रुपन्देहीमा तीन महिला माथि कूटपीट भएको छ ।
ईलाका प्रहरी कार्यालय लुम्बिनीले दिएको जानकारी अनुसार कूटपीट हुनेमा लुम्बिनी साँस्कृतिक नगरपालिका वडा नं। ५ जितवापुर बस्ने २५ बर्षीया साबित्री लोध रहेकी छन ।
गर्भवती समेत रहेकी लोधलाई सोही ठाँउ बस्ने रामबहाललोधले बाख्राबाट धानबाली खुवाएको निहुमा कूटपीट गरेका हुन भने लुसाँनपा वडा नं। ९ सोनबर्षा निवासी दलितमहिला ६४ बर्षीया शान्ति हरिजनलाई सामान्य बिबादमा छिमेकी टिडडुकोहाँर,मनोज कोहाँर र सुग्रीव कोहाँरले सामुहिक रुपमा कूटपीट गर्दा गाँउलेहरुको रोहबरमा औषधी गराउने सहमती भएको प्रहरीले जनाएको छ ।
त्यसै गरि १२३२३५००७ राहदानी नं।की दक्षिणी अमेरिकन महिला माथि गएराति साढे १२ बजे बुद्धभूमि गेष्टहाउसको तीतलेभवनको सुत्ने कोठामै अपरिचित ब्यक्ति द्वारा कूटपीट भएको छ ।
बिदेशीमहिला मार्थि कूटपीटका कारण पत्ता लगाउन सो होटेलमा कार्यरत दुई ब्यक्तिलाई नियन्त्रणमा राखि अनुसन्धान भईरहेको ईप्रका लुम्बिनी प्रहरी निरीक्षक शंकरपोखरेलले बताए ।