खोज

अरु बेला सेवाग्राहीको भिडभाड हुने महिला तथा बालबालिका कार्यालय अहिले सुनसान छ । कार्यालयमा कुनै चहलपहल छैन । कर्मचारीको संख्या नगन्य छ । जति छन् उनीहरुको जिम्मेवारी छैन । प्रमुख शोभा शाह दैनिक कार्यालयमा हाजिर हुन्छिन् । पहिले हाजिरी कपीमा हाजिर गरेपछि दिनभर गर्ने कामको योजना बुन्ने उनी अहिले बेकामे जस्तो भएर बस्नुपरेको छ ।भन्छिन्् –‘ न कार्यालयको टुङ्गो छ नत कामकै । अहिले जे निर्देशन आएको छ, त्यसै अनुसार काम भइरहेको छ ।’
शोभा शाहलाई सबैभन्दा समस्या पारेको छ, कार्यालय प्रमुखको पदले । त्यो पद अहिले नरहेपनि बिभिन्न क्षेत्रका अगुवाहरुले महिला तथा बालबालिकाका बिषयमा हुने कार्यक्रममा उनलाई बोलाइरहन्छन् । तर शोभा जाँने गरेकी छैनन् । ‘के भनेर जाने ?पद नै छैन । त्यही भएर कही जाने गरेकी छैन ।’— शाहले भनिन् । उनले अहिले केन्द्रमा बिबरण बुझाउने काम भने दैनिक गरिरहेकी छन् ।
महिला तथा बालबालिकाका कार्यालय जस्तै समस्या पशु सेवा कार्यालय बाँकेका कर्मचारीलाई पनि छ । त्यहाँका प्रमुख बेदबहादुर केसीलाई केहीदिन अघि कार्यालय प्रमुखको बैठकमा बोलाईयो । तर आफु पदमै नभएका कारण उनलाई त्यहाँ जान मन लागेन । उनी गएनन् । उक्त कार्यालयका कर्मचारी कर्मध्वज छत्यालले हाजिर गर्ने र कार्यालय कुर्ने बाहेक अरु केही काम नरहेको बताए । सरकारले चाँडै जिम्मेवारी दिने कुरामा उनी ढुक्क छन् ।
पशुसेवा कार्यालय खारेज भइसक्दा समेत सूचनाको कमीले अधिकांस सेवाग्राही आफ्ना पशुको उपचारका लागि अहिले पनि त्यहाँ पुग्छन् । कर्मचारीले अहिले उपचार गरिदिन्छन् पनि । खारेज भएको भन्दै त्यसै पन्छ््याउने काम भने नगरेको छत्यायालले बताए । केन्द्र सरकारले जिल्लामा रहने १८ वटा सरकारी कार्यालय खारेज गर्ने निर्णय कार्यान्वयन गरेको थियो । तर त्यहाँ काम गर्ने कर्मचारीको व्यवस्थापन नगर्दा कर्मचारीहरु बेकामे भएर बस्नु परेको छ ।