© २०२३
६ मंसिर २०८१, बिहीबार
६ मंसिर २०८१, बिहीबार
प्यूठान नगरपालिकाका नगरप्रमुख अर्जुन कुमार कक्षपतीले आफूले बुझेको तलव खैराका अग्नीपीडितलाई प्रदान गरेका छन् । गतवर्षको फागुन २२ र २३ गते आगलागी भएपछि घरबार विहिन भएका चारजना पीडितहरुलाई आइतवार रकम प्रदान गरिएको हो । नगरपालिकाको वडा नम्वर १ स्थित धरमपानी खैराका लालमती जिसी, हरी बहादुर बस्नेत, हिरा जिसी र मदन जिसीलाई प्रति परिवार ३५ हजार रुपैयाँका दरले रकम प्रदान गरिएको छ । चार जनालाई गरी एकलाख ४० हजार रुपैयाँ रकम गाँउमै पुगेर नगरप्रमुख कक्षपतीले हस्तान्तरण गरे ।
आगलागी भएकै दिन घटनास्थलमा पुगेर कक्षपतीले तलव वापत बुझ्ने रकम पीडितलाई दिने वचन दिएका थिए । ‘वार्षिक रुपमा तलवको रकम दुःखी गरिवलाई दिने सोँच बनाएको छु’,कक्षपतीले भने,‘पीडितको दुःखमा सान्तवनाका लागि केही राहत मिल्ने आशा छ ।’ तलवकै रकमबाट कक्षपतीले नगरपालिकाको वडा नम्वर ३ स्थित कुमाल बस्तीमा मन्दिर निर्माणका लागि नगद ४० हजार रुपैयाँ रकम सहयोग गरेका छन् । पीडितलाई राहत रकम प्रदान गर्दै नगरप्रमुख कक्षपतीले नगरवासीको जीवन परिवर्तनका लागि ठोस योजना बनाएर कार्यालय अघि बढिरहेको जानकारी गराए ।
© २०२३
सर्वाधिकार सुरक्षित
Design & Developed By:
