खोज

चन्द्रौटा(कपिलवस्तु), १४ बैशाख ।

होटल तथा रेष्टुरेन्ट ब्यवसायी संघ कपिलवस्तुमा नयाँ नेतृत्व चयन भएको छ । संस्थाको सम्पन्न तेस्रो अधिबेशनले लेखनाथ घर्तीको नेतृत्वमा १७ सदस्यीय नयाँ कार्यसमिति सर्बसम्मत चयन गरेको हो । जसको दुई उपाध्यक्षमा रेशम ढकाल र हरि प्रसाद खनाल सर्बसम्मत निर्बाचित भएका छन् ।

संस्थाको महासचिवमा पदम ढकाल, कोषाध्यक्षमा लक्ष्मण न्यौपाने, सचिवमा ध्रुव प्रसाद भुसाल निर्बिरोध निर्बाचित भएका छ्न् । यसैगरी अधिबेशनबाट राधा थापा, कमला आचार्य, बैकुण्ठ बेल्बासे, माधव पोख्रेल, नवराज न्यौपाने, हुमनाथ पौडेल, खिमकुमार श्रेष्ठ, बाबुराम खत्री, कृष्णप्रसाद गैरे र कमल राज पन्थी सदस्य पदमा निर्बिरोध निर्बाचित भएका हुन् । यस्तै संस्थाका पूर्व अध्यक्ष गोपाल बहादुर खत्री पदेन सदस्य रहेका छन् ।

कार्यक्रममा नवनिर्बाचित अध्यक्ष लेखनाथ घर्तीले आफ्नो कार्यकालमा संस्थाका हरेक गतिबिधिलाई चुस्त, दुरुस्त र पारदर्शी बनाउने प्रतिबद्धता जाहेर गरे । जिल्लाका सम्पूर्ण होटल ब्यवसायीको हकहितका लागि आफू र आफ्नो टिम कटिबद्ध भएर लाग्ने समेत नवनिर्बाचित अध्यक्ष घर्तीले प्रतिबद्धता जाहेर गरे । कार्यक्रममा मानव अधिकारकर्मी विष्णु प्रसाद खतिवडा, पूर्व अध्यक्ष गोपाल बहादुर खत्री लगाएतले नयाँ कार्यसमितिका सम्पूर्ण पदाधिकारीहरूलाई बधाई दिंदै सफल कार्यकालको शुभकामना दिएका थिए ।