खोज

बुटवल,२२ फागुन । बुटवलको ढवाहामा रहेको वेस्टर्न मेगा कलेजका विद्यार्थीहरुले नेपालको हिमाल पहाड र तराईको मौलिकता झल्किने गरि क्याटेरिङ्ग इभेन्ट सम्पन्न गरेका छन्। बि एच एम चौथो सेमेस्टर अन्तर्गत फूड प्रोडक्शन क्याटेरिङ्ग म्यानेजमेन्ट बिषयको प्रयोगात्मक शिक्षा स्वरुप विद्यार्थीहहरुले उक्त कार्यक्रमको आयोजना गरेका हुन्।

हरेक शैक्षिक बर्षको चौथो सेमेस्टरमा भिन्न भिन्न विषयवस्तु माथि क्याटेरिङ्ग इभेन्टको आयोजना हु.दै आइरहेको कलेजमा यो पटक भने केहि फरक र पृथक बनाउने उद्देश्यले नेपालको पहिचान हिमाल पहाड र तराईलार्इ समाबेस गरि उक्त क्षेत्रका मौलिक खानाका परिकारहरु बनाएका थिए। खानासंगै संस्कृति झल्काउने गरि हिमाल पहाड र तराईका पोशाकमा सजिएर मनोरन्जनात्मक कार्यक्रम समेत प्रस्तुत गरेका थिए। यसले सैद्धान्तिक तथा प्रयोगात्मक शिक्षालार्इ व्याबहारमा उतार्न बिद्यार्थी सफल भएको कलेजका प्राचार्य श्रीप्रशाद भट्टराईले बताए । इभेन्टले विद्यार्थीलाई बास्तविक होटेल म्यानेजमेन्टका च्यालेन्ज तथा कमजोरी, अनुभव र यसलाई सच्याएर लैजाने शिक्षा प्राप्त गर्न सकिने हुंदा हरेक सेमेस्टरमा भिन्न भिन्न इभेन्ट आयोजना गरिएको कलेजका अध्यक्ष मेघराज पन्थले बताए । उक्त इभेन्टको सैनामैना नगरपालिकाका प्रमुख फणिन्द्रप्रसाद शर्माले अवलोकन गरी यस्तो शिक्षाले होटेल र पर्यटन क्षेत्रमा सकारात्मक योगदान गर्ने बताए ।