खोज

बुटवल, २२ माघ ।   बुटवलमा प्रथम उपमहानगरपालिका सम्मेलन सुरु भएको छ । सम्मेलनमा देशभरका ११ उपमहानगरपालिका प्रमुख, उपप्रमुख , प्रमुख प्रशासकिय अधिकृतहरुको सहभागिता रहेको छ । सम्मेलनको उद्घाटन गर्दै प्रदेश प्रमुख अमिक शेरचनले संघियता कार्यान्वयनको चरण सुरुवात भएको बताएका छन् ।

उनले नेपालमा संघियता कार्यान्वयनको चरण लामो नगएको भन्दै अधिकार स्थापनाका लागि यो सम्मेलनले विशेष भूमिका खेल्ने बताएका हुन ।
उनले अधिकार सहित यथेष्ट बजेट व्यवस्थाले स्थानीय सरकार अहिले मजबुद हुँदै गएको बताए ।
स्थानीय तहमा नै समस्या समाधानका लागि न्यायिक समितिबाट स्थानीयले समस्या समाधान गर्न सफल भएको बताएका थिए ।उनले अधिकार कार्यान्वयन मा केही साझा सूचि को कुरामा बिस्तारै कार्यान्वयन हुँदै जाने बताएका थिए ।

कार्यक्रममा नेपाल महानगरपालिका फोरमका अध्यक्ष तथा पोखरा महानगर पालिकाका मेयर धनराज आचार्यले बोल्दै तिनै तहका सरकार बिचमा समन्वय आवश्यक रहेको बताए । उनले अधिकार कार्यान्वयन पुर्णरुपमा नभएको भन्दै एकल अधिकार सुचिका विषयमा यथेष्ट व्याख्या नभएको कारण समस्या भएको बताए ।

कार्यक्रममा बोल्दै बुटवल उपमहानगरपालिकाका प्रमुख खेलराज पाण्डेयले साझा र एकल अधिकार कार्यान्वयनमा सम्मेलनले बिशेष महत्त्व राख्ने बताए ।
उनले साझा समस्या पहिचान गरि समस्या समाधानका लागि एकमुष्ट पहलकदमि उठान गर्ने समेत बताए ।
कार्यक्रममा जिल्ला समन्वय समिति रुपन्देहीका प्रमुख उमाकान्त चपाई, नेपाल नगरपालिका महासंघका महासचिव नरुलाल चौधरी लगायतले बोलेका थिए । सम्मेलनको दोस्रो चरण बुटवल उपमहानगरपालिकाको सभा हलमा हुने कार्यक्रम छ । जसले बुटवल घोषणा पत्र समेत जारी गर्ने बुटवल उपमहानगरपालिकाका प्रमुख प्रशासकीय अधिकृत टेकराज पन्थीले बताए ।