खोज

बुटवल,५ पुस । नेकपा एमालेका अध्यक्ष केपी शर्मा ओलीले हालै सम्पन्न भएको आम निर्वाचनबाट केही सिटले दोस्रो भएपनि एमाले जनताको पहिलामे रोजाईको पार्टी भएको बताएका छन् । पार्टीबाट निर्वाचित प्रतिनिधिसभा सदस्यहरुलाई बधाई दिन मंगलबार काठमाडौंमा आयोजित कार्यक्रममा बोल्दै ओलीले ६ दल मिलेर गठबन्धन गरेको अवस्थामा पनि समानुपातिकतर्फ एमालेले सबैभन्दा धेरै मत पाउनुले एमाले जनताको पहिलो रोजाईको पार्टी भएको पुष्टी गरेको बताए । थुप्रै ठाउँमा धाँधली भएको र चुनाव गराउने निकायको भूमिका पनि निष्पक्ष नदेखिएको ओलीले गुनासो गरे ।

ओलीले धेरै ठाउँमा धाँधली भएको प्रमाण हुँदा पनि आयोगले पुनः मतदान नगराएको बताए ।

एमालेले अपेक्षा गरेको सीट नल्याएको भए पनि आफूहरूले उत्सव मनाइरहेको उनले बताए । चुनावअघि एमालेलाई धुलो चटाउने, दिउँसै टर्च बालेर खोज्नुपर्ने कुराहरू भएका तर एमाले समानुपातिकमा पहिलो पार्टी बनेर दुनियालाई देखाइदिएको बताए ।
ओलीले कसको नेतृत्वमा र कसको सरकार भन्ने अन्यौल रहेको बताएका छन् । ओलीले गठबन्धनले मात्र सरकार गठन गर्न नसक्ने अवस्था रहेको बताए ।

हिजो चार वटा रहेको राष्ट्रिय पार्टीको संख्या अहिले ७ पुगेको भन्दै उनले सरकार गठनबारे बोल्नसक्ने अवस्था पनि कसैको छैन भने ।