खोज

बुटवल, २१ मंसिर । सिद्धार्थ उद्योग वाणिज्य संघले मंसिर २३ गतेदेखि आयोजना गर्न लागेको लुम्बिनी राष्ट्रिय महोत्सवमा तीन लाख दर्शक भित्राउने लक्ष्य आयाृजकको रहेको । मेला स्थल भैरहवाको अञ्चलपुरमा पत्रकार सम्मेलन गर्दै संघले महोत्सवमा ३ लाख दर्शक भित्राई १० करोड रुपैयां बराबरको आर्थिक कारोबार गर्ने लक्ष्य लिएको संघले जानकारी गराएको हो । कोरोना महामारीका कारण भैरहवामा तीन वर्षदेखि मेला सञ्चालन हुन नसकेको अवस्थामा कोरोना महामारीपछिको यो पहिलो मेला भएकाले दर्शकको उपस्थिति विगत भन्दा धेरै हुने सिद्धार्थ उद्योग वाणिज्य संघका अध्यक्ष भिष्म न्यौपानेले बताए । कोरोना महामारी र आर्थिक मन्दीका कारण शिथिल अर्थतन्त्रलाई चलायमान बनाउन र लुम्बिनीको पर्यटन प्रवद्र्धनका लागि महोत्सव आयोजना गरिएको न्यौपानेले बताए । महोत्सवमा जेष्ठ नागरिक, फरक क्षमता भएका र सरकारी विद्यालयका विद्यार्थीलाई परिचय पत्रका आधारमा निशुल्क प्रवेश दिइने भएकाले यसपटक दर्शकको उपस्थिति उत्साहजनक हुने आयोजकको अपेक्षा छ । महोत्सवमा लुम्बिनी प्रदेशको अल्लो उद्योगका उत्पादनदेखि कर्णाली प्रदेशको दाल, गेडागुडीका साथै मुस्ताङको स्याउ समेत उपलब्ध गराइने उनले बताए । यस्तै दुना टपरी र बत्ती काड्ने प्रतियोगिता, अचार बनाउने तालिम,कुस्ती र ब्याडमिन्टन प्रतियोगिता, स्थानीय र राष्ट्रिय कलाकारको प्रस्तुति आकर्षणको रुपमा रहने अध्यक्ष न्यौपानेले बताए । ‘महोत्सवले उद्योगी–व्यवसायी तथा उपभोक्तालाई प्रत्यक्ष जोड्नुका साथै लुम्बिनी र आसपासको पर्यटन प्रवद्र्धनका साथै उद्यमशीलताको विकास र अर्थतन्त्रलाई चलायमान बनाउन पनि महोत्सवले टेवा पु¥याउने छ’–न्यौपानेले भने । पुस ४ गतेसम्म चल्ने महोत्सवमा ३ लाख दर्शकलाई अवलोकन गराई १० करोड रुपैयां बराबरको कारोबार गर्ने लक्ष्य रहेको संघका महासचिव विजय पाण्डेले बताए ।
महोेत्सव सञ्चालन गर्न जग्गा र स्थायी संरचना नहुंदा आयोजकले वर्षेनी ४० देखि ५० लाख अनुत्पादक खर्च गर्नुपर्ने वाध्यता रहेकाले जग्गा र स्थायी संरचना निर्माणमा स्थानीय,प्रदेश र संघीय सरकारको ध्यान जानुपर्ने महासचिव पाण्डेले बताए ।