खोज

बुटवल,२० मंसिर । लुम्बिनी प्रदेश सभामा १० दलको सहभागिता हुने भएको छ । प्रत्यक्षमा ८ वटा दलले मात्रै चुनाव जितेपनि समानुपातिकतर्फ थप २ दलले थ्रेसहोल्ड कटाएर एक–एक सिट पाउने भएपछि प्रदेश सभामा १० दलको उपस्थिति हुनेछ ।
लुम्बिनीेमा ३२ दलले चुनावमा भाग लिएकामा १८ लाख ८७ हजार ७८ मत सदर भएको थियो । जसमा १० वटा दलले २८ हजार ३०६ मत १.५ प्रतिशत थ्रेसहोल्ड कटाएका छन् । १० दलले पाएको १७ लाख ७७ हजार ७२० मतलाई ३५ सीटमा भाग लगाउँदा सबैभन्दा धेरै ३० प्रतिशत ५ लाख ७० हजार ९२१ मत पाएको नेकपा एमालेले ११ सीटसम्म भाग पाउनेछ ।

दोस्रोमा नेपाली कांग्रेसले २६ प्रतिशत ९ लाख ९९ हजार ९८६ मत ल्याएको छ छ । उसले ९ देखि १० सीटसम्म भाग पाउनेछ । १० प्रतिशत १ लाख ९८ हजार ४५० मत पाएको नेकपा माओवादी केन्द्रले ५ वटासम्म सीट पाउनेछ ।

राष्ट्रिय प्रजातन्त्र पार्टीले ६ प्रतिशत १ लाख २७ हजार ४५२ मत ल्याएर २ सीट पाउनेछ । ६ प्रतिशत १ लाख २५ हजार ५२१ मत प्राप्त गरेको नागरिक उन्मुक्ति पार्टीले पनि २ सीट पाउनेछ । ४ प्रतिशत ८१ हजार ६०५ मत पाएको जनमत पार्टीले एक सीट पाउँदा ३ प्रतिशत ६० हजार ८८६ मत ल्याएको जनता समाजवादी पार्टीले पनि एक सीट नै पाउनेछ ।

यहाँ थ्रेस होल्ड कटाएका नेकपा एकीकृत समाजवादी, लोकतान्त्रिक समाजवादी पार्टी र राष्ट्रिय जनमोर्चाले एक÷एक सीट पाउनेछन् ।
प्रत्यक्षतर्फ उमालेले १८,कांग्रेसले १७,माओवादीले ५,राप्रपा,जसपा,नागरिक उन्मुक्ति र लोसपाले २–२ सिट जितेका थिए । यस्तै यस्तै माओवादीबाट बागी (स्वतन्त्र) उम्मेदवारी दिएर तीनजनाले ,  जनमत पार्टीले एक सिट जित्दा नेकपा एकीकृत समाजवादी र राष्ट्रिय जनमोर्चाले कुनै सिट जित्न सकेका थिएनन् ।