खोज

युवा तथा साना व्यवसायीहरुलाई स्वरोजगार वनाउने उद्धेश्यका साथ गठन गरिएको युवा तथा साना व्यवसायी स्वरोजगार कोषले रोल्पाका २३ सहकारी संस्था मार्फत १० करोड लगानी गरेको छ । कोषको अतिरिक्त कृषि विकास वैंकवाट जिल्लाका ३ सहकारी संस्थालाई थप १ करोड समेत जिल्लामा कोषको लगानी ११ करोड पुगेको छ ।
कोष संग संझौता गरि लिएको कर्जा सहकारी संस्थाहरुले युवा तथा साना व्यवसायीहरुमा लगानी गर्ने गर्दछन । तरकारी खेती,फलफुल खेती,कुखुरा पालन, वाख्रापालन, माछा पालन, फेन्सी पसल,फर्निचर उद्योग, मिल संचालन, जडीवुटी खेती लगायतका क्षेत्रमा गरिएको लगानीवाट हाल सम्म ९ सय २९ जना लाभान्वित भएको युवा तथा साना व्यवसायी स्वरोजगार कोष जिल्ला संयोजन तथा अनुगमन समिति रोल्पाका सदस्य सचिव ज्ञानेन्द्र शर्माले जानकारी दिए । कर्जाको व्याज स्वरुप सहकारी संस्थाले वार्षिक ५ प्रतिशत र व्यक्तिले १० प्रतिशत व्याज तिर्ने गर्दछन शर्माले भने । सहकारी संस्थाहरुले प्रति व्यक्ति वढीमा २ लाख सम्म लगानी गर्ने गर्दछन शर्माले भने ।
कोष मार्फत विभिन्न चार चरणमा सो रकम लगानी गरिएको सदस्य सचिव शर्माले जानकारी दिए । कोषको रकम दुरुपयोग हुन नदिन तथा लक्षित समुदाय सम्म पु¥याउने सुनिश्चितताका लागि निरन्तर अनुगमन समेत हुने गरेको शर्माले जानकारी दिए । सहकारी संस्था संग नियमित समन्वय र व्यवसायी संग संपर्कमा रहेर काम गरिरहेका छौ शर्माले भने । लगानी गरिएको रकम अहिले सम्म दुरुपयोग भएको सुन्नमा आएको छैन शर्माले भने ।
कोषवाट सयौं युवाहरुले कर्जा लिएको भए पनि हाल सम्म निकै थोरै व्यवसायीहरु मात्र सफल देखिएको वताइएको छ । लुंग्री माडी कृषि सहकारी संस्था मार्फत कर्जा लिई २५ जना व्यवसायीहरुले माडीचौरमा कुखुरा पालन गरिरहेका छन । तीन हजार ५ सय वढी कुखुरा पालेको सो फर्मवाट दैनिक ३ हजार वढी अण्डा विक्री हुने गरेको वताइन्छ । फर्मवाट ४ जना प्रत्यक्ष र ११ जना अप्रत्यक्ष रोजगार भएका लुंग्री माडी कृषि सहकारी संस्थाले जनाएको छ । सो संस्थाले कृषि विकास वैंक मार्फत कर्जा लिएको थियो । सदरमुकाम लिवाङमा रहेको मेचीकाली वचत तथा ऋण सहकारी संस्थावाट कर्जा लिएका व्यवसायीहरुले समेत तरकारी खेती, वंगुरपालन,वाख्रापान, कुखुरा पालन जस्ता व्यवसाय गरिरहेको शर्माले जानकारी दिए । उत्तरी रोल्पाको थवाङमा रहेको अजम्वरी कृषि सहकारी संस्थावाट कर्जा लिई ४ युवाहरुले सामुहिक भुइ स्याउ खेती गर्दै आएको वताइएको छ ।
सहकारी संस्था मार्फत कोषले कर्जा दिन थाले संगै महिला दिदी वहिनीहरुले साना तिना व्यवसाय गर्दै आएको सगरमाथा महिला वचत तथा ऋण सहकारी संस्थाकी अध्यक्ष तुलसा आचार्यले वताईन । सहकारी मार्फत ऋण लिई व्यूटी पार्लर, खुद्रा पसल, तरकारी खेति, च्याउ खेती, चिया नास्ता पसल जस्ता जोखिम कम हुने व्यवसायमा महिला दिदी वहिनी लागेका छन आचार्यले भनिन । नियमित रुपमा व्याज भुक्तानी तथा वचत समेत गर्न थालेकाले महिलाहरुमा आत्म निर्भरता वढ्नेमा आफु आशावादी रहेको आचार्यले वताईन । सगरमाथा महिला सहकारी संस्था मार्फत १ लाख ऋण लिई वाख्रापालन व्यवसाय गर्दै आएको रोल्पा नगरपालिका ४ की संझना महराले वताईन । किस्ता र व्याज समेत नियमित तिर्दै आएको छु महराले भनिन । ऋण लिएर सुरु गरेको वाख्रा पालनले फाईदा गरिरहेको महराले वताईन ।
अन्य जिल्लामा कोषको रकम सदुपयोग हुन नसकेको समाचार आउने गरे पनि रोल्पामा भने त्यस्तो समस्या नरहेको वताइएको छ । विभिन्न दल निकट व्यक्तिहरुका आ–आफ्ना सहकारी संस्था रहे पनि सवैले नियमित किस्ता र व्याज वुझाउने गरेको वताईन्छ । नियमित रुपले किस्ता तथा व्याज भुक्तान गर्नेलाई कोषले व्याज अनुदान समेत दिने गरेको छ । पहिलो चरणमा व्याज अनुदानका लागि जिल्लाका ७ वटा सहकारी संस्थाका तीन सय व्यवसायी सिफारिसलाई सिफारिस गरेको कोषको जिल्ला संयोजन तथा अनुगमन समिति रोल्पाले जानकारी दिएको छ ।