© २०२३
६ मंसिर २०८१, बिहीबार
६ मंसिर २०८१, बिहीबार
बसन्त पोखरेल
हिमाल रमाइलो कि तराई रमाइलो
पाँच नम्बर हाम्रो प्रदेश झनै रमाइलो ।
विश्वले नै चिनेको बुद्धभूमि लुम्बिनी
तिलौराकोट दरबार उत्तरमा पाणिनी
तिनाउ सललल हाम्रो प्रदेश झनै रमाइलो ।
पूर्ब देवदहमा बुद्धका छन् मावली
निग्लिहवा गोटीहवा बुद्धका हुन् गाँवली
तिनाउ सललल हाम्रो प्रदेश झनै रमाइलो ।
अंग्रेजलाई चटाए धुलो उजीर सिंहले
शान राखे नेपाल्को बहादुरी तिनले
तिनाउ सललल हाम्रो प्रदेश झनै रमाइलो ।
श्वर्गद्वारी रिडी छन् धर्मक्षेत्र मानिने
बागेश्वरी भैरवथान शक्तिपीठ जानिने
रिडी सललल हाम्रो प्रदेश झनै रमाइलो ।
कपिलमुनी ऋषिले रोजेको यो भूमि हो
बाल्मिकी र ब्यासले ज्ञान छरेको भूमि यो
तिनाउ सललल हाम्रो प्रदेश झनै रमाइलो ।
रामापिथेकसले यहि धर्ती रोजेका
शेन राजा मुकुन्द मणिजस्तै टल्केका
तिनाउ सललल हाम्रो प्रदेश झनै रमाइलो ।
धर्मावती माडीको मिलन ऐरावतीमा
राप्ती बनी बगेको दांग देउखुरीमा
राप्ती सललल हाम्रो प्रदेश झनै रमाइलो ।
बबई, भेरी बगेका वर्दियाको फाँटमा
सबै चिज उब्जने यो भूमिको माटोमा
बबई सललल हाम्रो प्रदेश झनै रमाइलो ।
हिमाल रमाइलो कि तराई रमाइलो
पाँच नम्बर हाम्रो प्रदेश झनै रमाइलो ।।
© २०२३
सर्वाधिकार सुरक्षित
Design & Developed By:
