खोज

समाजमा लागूऔषध नियन्त्रणका लागि जिल्ला प्रहरी कार्यालय गुल्मीले जिल्लामा गाँजा फँडानी गर्ने अभियान शुरु गरेको छ । समाजमा दुव्र्यसनीहरूले गाँजालाई आफ्नो लागूऔषधको रूपमा उपयोग गर्न थालेपछि त्यसलाई नियन्त्रणका गर्न प्रहरीले गाँजा फँडानी अभियान शुरु गरेको जिल्ला प्रहरी कार्यालय गुल्मीका प्रहरी उपरिक्षक दिपक कुमार बस्नेतले बताए ।
गाँजा फँडानी अभियान प्रहरीले रेसुङ्गा नगरपालिका क्षेत्रवाट शुरु गरेको हो । जसअन्र्तगत वडा नम्बर ४का विभिन्न ठाउँमा रहेको अबैध गाँजालाई स्थानीय जनप्रतिधिहरूको सहयोगमा फडानी शुरु गरेको हो । प्रहरीले स्थानीय जनप्रतिनिधिसँग सहयोग लिएर गाउँगाउँमा गाँजा फँडानी गर्दा स्थानीय जनताहरूमासकारात्मक सन्देश जाने भएका कारण यो अभियान सफल हुने विश्वास लिएको प्रहरि प्रहरी उपरिक्षक वस्नेतले बताए ।
प्रहरीले फँडानी गरेको अवैध गाँजालाई एक कार्यक्तमका वीच रेसुंगा नगरपालीका–४ को वडाकार्यालय परिशरमा आगो लगाई नष्ट पारिएको छ । प्रहरीले विहिवार बरामद गरेको ३ क्वीन्टल गाँजा स्थानीय जनप्रतिनिधि, सामुदायीक प्रहरी, सुरक्षा निकाय र संचारकर्मीहरूको रोहवरमा नष्ट गरिएको जिल्ला प्रहरी कार्यालय गुल्मीले जनाएको छ ।
बरामद गरिएको गाँजा नष्ट गर्ने कार्यक्रममा बोल्दै प्रमुख जिल्ला अधिकारी यदुनाथ पौडेलले समाजमा अपराधिक क्रियाकलापहरू बढाउन र उत्प्रेरित गर्न यस्ता प्रकारका वस्तुहरूले ठूलो मलजल गर्ने गरेको र त्यसको नसामा अपराधिक गतिविधिहरू वढ्दै गएको भन्दै यसको नियन्त्रणका लागि गुल्मी प्रहरीले चालेको उक्त कदम महत्वपूर्ण रहेको बताए । उनले समाज खल्वल ल्याउने प्रमुख कारण घरेलु मदिरासँगै गाँजा पनि प्रमुख रहेको भन्दै सुरक्षा निकायले गाउँगाउँसम्म यो अभियान संचालन गर्नेजानकारी दिए । à