खोज

बुटवल, २७ कार्तिक ।
राष्ट्रिय जनमुक्ति पार्टीका कार्यकारी अध्यक्ष केशव बहादुर थापा (सूर्यवंशी) ले पुनः लुम्बिनी प्रदेशको राजधानी बुटवल ल्याउन सकिन्छ भन्ने नेपाली कांग्रेसका नेता तथा गृहमन्त्री बालकृष्ण खाँण र नेकपा एमालेका उपाध्यक्ष विष्णु पौडेलले दिएको अभिव्यक्तिप्रति आपत्ती जनाएका छन् ।
तिलोत्तममा आयोजना भएको एक टेलिभिजन बहसमा गृहमन्त्री बालकृष्ण खाँण र विष्णु पौडेलले लुम्बिनी प्रदेशको स्थायी राजधानी दाङको भालुवाङ क्षेत्रमा लैजान गरिएको निर्णय ढुंगाले लेखिएको अक्षर नभएको र अपरिवर्तनीय नभएको भन्दै अर्को प्रदेश सभाको दुई तिहाई वहुमतले निर्णय गरेर फिर्ता ल्याउन सकिने बताएका थिए । नेपालको संविधानमा दुई तिहाई वहुमतले निर्णय गरेमा धेरै विषय परिवर्तन गर्न सकिने स्पष्ट व्यवस्था छ ।
जनमुक्तिका प्रतिनिधी सभा सदस्य २ नम्बर निर्वाचन क्षेत्रबाट उमेद्बार समेत रहेका केशव बहादुर थापा (सुर्यवंशी)ले खांण र पौडेलको उक्त अभिव्यक्तिलाई राजनितिक बेईमानिको संज्ञा दिएका छन । शनिबार घरदैलो कार्यक्रम पछि रुपन्देहीको तिलोत्तमामा आयोजना गरिएको कोणसभालाई सम्बोधन गर्दै थापाले खांण र पौडेलको भनाइमाथि आपत्ति जनाएका हुन् । तर थापाले हरेक हिसाबाले राजधानी बुटवल उपयुक्त छ भन्ने कुरामा सहमति जनाए ।

स्मरणीय के छ भने कांग्रेस नेता खांणकै जोडबलमा रुपन्देही २ मा सत्ता गठबन्धनले जनमुक्तिलाई समर्थन गरेको हो । तर जनमुक्तिका अध्यक्ष समेत रहेका थापाले स्थायी राजधानी प्रदेश सभाको वहुमतले बुटवल फिर्ता ल्याउन सकिन्छ भन्ने खांण र पौडेलको भनाईमा आपत्ति जनाउनुले उनी बुटवल राजधानी चांहदैनन् भन्ने अर्थ लागेको रुपन्देही २ का मतदाताहरु बताउंछन् ।
थापाको यो अभिव्यक्तिले कांग्रेसका मतदाताहरु उनीप्रति रुष्ट भएको विश्लेषण हुन थालेको छ । ‘दुई तिहाई वहुमतले जुनसुकै विषय परिवर्तन गर्न सकिने संविधानको व्यवस्थालाई टेकेर खांण र पौडेलले बोलेका हुन्, त्यसमा आपत्ति जनाउनुले सत्ता गठबन्धनका उम्मेदवार बुटवलमा राजधानी फिर्ता ल्याउन हुन्न भन्ने पक्षमा छन् भन्ने बुझ्न सकिन्छ’–गठबन्धनमै आवद्ध दलका एक नेताले भने–‘प्रदेशसभाले गरेको निर्णयलाई कुनै दल विशेषको एउटा नेतामाथि दोष थुपार्ने कुरा सर्वथा गलत हो ।’
सो कार्यक्रममा रुपन्देही क्षेत्र नंं. २(१) को प्रदेश सभा सदस्य पदका उम्मेदवार दीर्घबहादुर केसी (कुमार)ले पनि स्थायी राजधानी बुटवलमै हुनुपर्ने तर्क गरे ।