खोज

सुनवल, २० पुस ।
पश्चिम नवलपरासीको पाल्हीनन्दन गाउँपालिकामा रहेको ऐतिहासिक नन्दनताल संरक्षण र प्रवद्र्धन गर्न लागी पहल थालिएको छ । बिहिवार पाल्हीनन्दन गाउँपालिकाले जिल्लास्थित सरोकावालाहरूसँग अन्तक्र्रिया कार्यक्रमको आयोजना गरी नन्दन तालको संरक्षण र ताललाई पुरानै स्वरूपमा फर्काउने सन्दर्भमा छलफल गरेको छ ।
नन्दनल ताल अतिक्रमण हुदै तालको अस्तितत्वनै मेटिने खतरा उत्पन्न भएपछि सरोकारवाला संग छलफल गरेर संरक्षणको काम अगाडि बढाउन अन्तरक्रिया गरिएको पाल्हीनन्दन गाँउपालिकाका अध्यक्ष वैजु प्रसाद गुप्ता दिपकले बताए । सो क्रममा बोल्दै सरोकारवालाहरूले तालको संरक्षण हुनुपर्ने विषयमा मतएक्यता जाहेर गर्दै स्थानिय तह सक्रिय हुनुपर्नेमा जोड दिएका छन् ।
प्रतिनिधि सभा सदस्य एवं पूर्व मन्त्री धुब्रबहादुर प्रधानले नवलपरासीको पहिचान मेटिदै गएको भन्दै तालतलैया लगायतका अन्य सम्पदाको संरक्षण गर्दे जानुपर्नेमा जोड दिए । माथिल्लो तहका सरकारले चासो नदिएपनि स्थानीय तहले संरक्षण र प्रवद्र्धनको काममा अठोट गरेर अगाडी बढ्नुपर्नेमा जोड दिए । जिल्ला विभाजनले त्रिवेणीधाम लगायतका स्थल नवलपरासीबाट विभाजित भएकाले अहिले जिल्ला भित्रै भएका सम्पदाको संरक्षण गरेर प्रसारप्रचार गर्नुपर्नेमा प्रधानको जोड थियो ।
सो क्रममा पूर्व गृहराज्यमन्त्री देवेन्द्रराज कण्डेलले नन्दन ताल संरक्षणको विषय चुनौतिको रूपमा रहेको बताउदै यसलाई अवसरको रूपमा लिएर काम गर्ने हो भन्ने सम्भव भएको बताए । ‘बहानाबाजी गर्ने हो भने अर्थ छैन् तर साँच्चै बनाउने हो भने स्थानिय तह कठोर बनेर निर्णय गरेर अगाडी बढ्न सक्नुपर्छ कंण्डेलले भने ।’ पूर्व स्थानीयविकास राज्यमन्त्री घनश्याम यादवले नन्दन तालको संरक्षणमा सबै एकजुट बन्नुपर्नेमा जोड दिए । लुम्बिनी प्रदेश सभा सदस्य बैजनाथ कलवारले नन्दनतालको संरक्षण र प्रर्वद्धन गर्नसके पर्यटन विकासमा टेवा पुग्ने धारणा व्यक्त गर्दै प्रदेश सरकारसँग पनि सहयोगको लागि पहल गर्ने आवश्वासन दिए ।
सो क्रममा जिल्ला समन्वय समितिका प्रमुख भगौती यादव, रामग्राम नगरपालिकाका नगर प्रमुख धनपत यादव, प्रमुख जिल्ला अधिकारी स्कीम श्रेष्ठ, गाउँपालिका उपाध्यक्ष फातिमा खातुन अन्सारी, कांग्रेसका विक्रम यादव, जसपा नेपालका धरेन्द्र यादव, राप्रपाका किरण प्रधान, रास्वपाका रवि पाण्डे, लोसपाका मुकुरजि गिरी, राधेश्याम सिंह सैथवार लगायत पत्रकार तथा सरोकारवालाहरूले आफ्नो धारणा राखेका थिए ।
जिल्लाको हकुई र सनई गाउँको सिमाना रहेको नन्दन ताल झन्डै सय विगाहा क्षेत्रफलमा फैलिएको छ तर अहिले खेतिपाती हुँदै जादा तालनै नामेट हुँदै गएको छ । ताल मासिदै गएको विषयमा कुरा उठेपनि संरक्षणको ठोस काम हुन सकेको छैन । केहि वर्ष अगाडिसम्म तालमा माछा पालन हुने गर्दथ्यो जसका लागी ठेक्का समेत आह्वान हुने गरेकोमा पछिल्लो समय तीव्र गतिमा ताल अतिक्रमण भएपछि अस्तीत्व संकटमा परेको छ । गाँउपालिका अध्यक्ष गुप्ताले अब स्थानीय र पालिकास्तरमा थप छलफल गरेर संरक्षणको काम सुरु गर्ने बताएका छन् ।