खोज

नवलपुर, ६ कात्तिक ।

नवलपुरका विभिन्न स्थानमा तीन दिनदेखि लगातार पानी परिरहेको छ । यो तीन दिनको झरीले काटेर राखेको धान खेतमै भिजेपछि नवलपुरका किसान चिन्तित भएका छन् ।

पानीले कति क्षति भयो भन्ने विषयमा भने तथ्यांक आइनसकेको कृषि ज्ञान केन्द्र नवलपुरका कृषि अर्थविज्ञ संजय ढकालले बताए ।

नवलपुरमा हालसम्म ५५–६० प्रतिशत धान काटिएको छ । कति धान थन्क्याएर सकेको र केही पानीले भिजाएको छ । अहिले यो समयमा पानीले नवलपुरमा १० देखि २० प्रतिशतसम्म धान उत्पादन घट्ने उनले बताए । काटेर सुकाएको धान तथा पाकेर काट्न ठिक्क परेको दुवै धानलाई पानीले असर गरेको ढकालले बताए ।

भिजेको धानलाई तत्काल झाँटेर सुकाउन सके धान कुहिन र उम्रिनबाट बचाउन सकिने तिवारीले बताए । त्यसैगरी भिजेको धानलाई तत्काल मिलमा लगेर कुटाए धान बिग्रनबाट जोगिने उहाँले किसानलाई सुझाव दिनुभएको छ । खेतमा धान त्यत्तिकै राखे वा तत्काल नझाँटे धान उम्रन सक्ने उनले बताए । बोटमै पाकेको धान पनि तीन दिन लगातार पानीले भिजेपछि बोटमै पनि उम्रन सक्ने भएकाले किसान चिन्तित भएका हुन् ।

हाई टेम्प्रेचर छ । पानीले भिज्ने र घाम पर्ने भइरहने भयो भने धान खेतमै राखिराखे बोटमै उम्रन्छ, त्यसैले जस्तो छ त्यस्तो अवस्थामा स्याहारेर मिलमा कुटाइहाल्नु उपयुक्त हुन्छ । किसानले वर्षभरि खान पुग्ने गरी गरेको धानखेती स्याहार्ने वेलामा पानीले भिजेपछि किसानलाई चिन्ता परेको हो । गत वर्ष पनि नवलपुरमा धान स्याहार्ने वेलामा पानी परेर किसानलाई क्षति पु¥याएको थियो ।

नवलपुरमा १८ हजार हेक्टर क्षेत्रफलमा धान खेती हुने गर्दछ । असोज ११ र १२ गते आएको पानीले पनि धानमा क्षति पु¥याएको नै थियो भने अहिले फेरि धान थन्काउने बेला भएको बर्षाले पुन क्षति पु¥याउने हो कि भनेर किसानलाइ समस्या परेको कृषि अर्थविज्ञ ढकालको भनाइ छ ।