खोज

भैरहवा, २९ भदौ ।

नेपाल कम्युनिस्ट पार्टी(एमाले)का पोलिटब्युरो सदस्य खिमलाल भट्टराईले जनताको आशा र भरोसाको पार्टी नेकपा एमाले भएको बताएका छन् ।

नेकपा एमाले सिद्धार्थनगर नगरपालिका वडा नं ८ को शुक्रबार भैरहवामा भएको दोश्रो अधिबेशनमा बोल्दै भट्टराईले जनताको आसा र भरोसा नेकपा एमालेमै र एमालेको नेता केपी ओलीमा रहेको बताउंदै भट्टराईले आज प्रधानमन्त्री मात्रै भएर होइन कि देशलाई सहि नेतृत्व गर्न सक्ने नेता भएकाले केपी ओली प्रती जनताको बढी बिश्वांस भएको बताए ।

अंक गणितको हिसाबले नेकपा एमाले दोस्रो भएपनि जनमतको हिसाबले नेकपा एमाले पहिलो पार्टी भएको भट्टराईको भनाइ थियो । देश चलाउन नीति बिचार, कार्यक्रम, दृष्टिकोण चाहिन्छ दलिय ब्यबस्थामा इमानदार, क्षमतावान कार्यक्रता चाहिन्छ त्यो नेकपा एमालेमा छ । भट्टराईले भने, “अन्य पार्टीबाट र कांग्रेस बाट सम्भव छैन सरकारमा कांग्रेस एमाले संगै भएपनी कांग्रेससंग गोल गर्ने मिशन छैन संसदीय हिसाबले दोस्रो भएपनि जनमतको हिसाबले हामी पहिलो पार्टी हौं“ उनले भने ।

वडा अधिबेशनमा नेकपा एमाले लुम्बिनी प्रदेश सदस्य हरि प्रसाद अधिकारी, प्रदेश सदस्य बिश्वराज बराल(अनुप) नेकपा एमालेका जिल्ला उपाध्यक्ष हित राज पन्थी, सिद्धार्थनगर कमिटीका अध्यक्ष चक्र बहादुर थापा लगायतले मन्तब्य राखेका थिए ।

नेपाल कम्युनिस्ट पार्टी(एमाले) सिद्धार्थनगर वडा नं ८ को अधिबेशनबाट थानेश्वर पान्डे (प्रकाश) को नेतृत्वमा १५ सदस्यीय नयाँ वडा कमिटी गठन भएको छ ।

जसको उपाध्यक्षमा बिष्णु पौडेल, सचिवमा सिर्जना जोशी, उप सचिबमा द्वय पदम कुवंर, नाथु चाइ निर्बाचित भए । त्यसैगरी सदस्यहरुमा सरिता परियार, नोबेल आचार्य, कृष्ण प्रसाद चौधरी,सुमित्रा बराइली, गौरब पोख्रेल, कृष्ण प्रसाद भट्टराई, सजीव श्रेष्ठ, सबिता गैरे खनाल, सन्ध्या श्रीवास्तब, कोपिला कुवंर निर्बिरोध निर्बाचित भएको नेकपा एमाले जिल्ला कमिटी सदस्य तथा अध्यक्ष मण्डलकी अध्यक्ष सीता काफ्लेले जानकारी दिइन ।