खोज

बुटवल, ३ असोज । बुटवलमा खेलकुद र सामाजिक कार्यमा अग्रसर युजि बुटवलले रक्तदान कार्यक्रम गरेको छ । संविधान दिवसको अवसरमा युजी बुटवलले विहिबार मणिमुकुन्द सेन उद्यान संरक्षण समिति परिसरमा वृहत रक्तदान गरिएको हो । कार्यक्रमको युवा नेता राजु गुरुङले उद्घाटन गर्दै यस क्षेत्रमा युवाहरुद्धारा संगठित भएर सामाजिक कार्यमा महत्वपूर्ण योगदान दिदै आएको बताए । समुदायस्तरमा लागुऔषध दुब्र्यसनी सचेतना र दुर्घटना न्युनिकरणका कार्यक्रमलाई जोडेर अभियान थाल्नसमेत उनले सुझाव दिए ।

गाईजका अध्यक्ष सुमन गुरुङले सामाजिक उत्तरदायित्व अन्तरगत समाजमा विविध कामहरु गर्दै आएको बताए । संविधान दिवसको अवसरमा पारेर रक्तदान कार्यक्रमसंगै विभिन्न विपद र दैविप्रकोपमा समेत सहयोग हस्तान्तरणमा आफुहरु गरेको उनले बताए ।

कार्यक्रममा बुटवल उपमहानगरपालिकाका प्रवक्ता शिव राना, जनप्रतिनिधि सुनिल शाक्य, जनप्रतिनिधि अशोक राई, मणिमुकुन्द सेन उदान संरक्षण समितिका अध्यक्ष माधव नेपाल, नेपाल पत्रकार महासंघका उपाध्यक्ष विश्वास ढकाल, सल्लाहकार बासु बश्याल, सहसचिव यम बराल, सदस्य जिवन गौतमले बिसं २०५७ सालमा संगठित भएर युजि गाईज समाजमा फरक र रचनात्मक रुपमा सामाजिक कार्यमा योगदान दिदै आएको बताए ।

नेपाल रेडक्रस सोसाईटी रक्तसंचार केन्द्र बुटवलको प्राविधिक सहयोगमा भएको रक्तदान कार्यक्रममा १६२ युनिट रगत संकलन भएको गाईजका सचिव अर्जुन केसीले बताए ।