खोज

बुटवल, ३ असोज । राष्ट्रिय संविधान दिवसको अवसरमा बुटवलको मणिमुकुन्द सेन उद्यान संरक्षण समितिमा नेपालको राष्ट्रिय झण्डा झण्डात्तोलन गरिएको छ । उद्यानको सौन्दर्यकरणसंगै राष्ट्र भावलाई दर्शाउने गरि उद्यानको बुटवल भ्यु टावरमा अग्लो नेपाली झण्डा झण्डात्तोलन गरिएको हो । फेमस टेलर्सका संचालक तथा कलाकार रामकुमार रणपालको सहयोगमा विहिबार एक समारोहका बिच मणिमुकुन्द सेन उद्यान समितिका अध्यक्ष माधव नेपाल, पदाधिकारीबाट नेपाली झण्डा झण्डात्तोलन गरिएको छ । कार्यक्रममा उद्यान समितिका अध्यक्ष माधव नेपालले कर्णेल उजिरसिहको ईतिहासलाई सम्झाउने गरि उद्यान परिसरमा नेपाली झण्डा फहराएको उनले बताए । उद्यानलाई सौन्दर्यकरणलाई जोड दिएको उनले बताए । स्थानिय पालिका, समाजसेबीहरुको सहयोगमा उद्यान परिसरलाई थप सौन्दयिकरण गर्न सफल भएको उनले बताए ।

नेपाल एकिकरणको क्रममा पृथ्वीनारायण शाहलाई सल्लाह दिने बिसे नगर्चीको स्मृतिमा उद्यान परिसरमा बिसे नगर्ची पार्कलाई ब्यवस्थित गर्न लागेको अगुवा समाजसेवी रामकुमार रणपालले बताए । सो स्थानमा थप अध्ययन र अवलोकन गर्नेहरुलाई बुझाउने गरि संग्राहलय बनाउने योजना रहेको उनले बताए । एकिकरण अभियान शुरू गर्न खर्च नभएर विलखवन्दमा परेका राजा पृथ्वीनारायण शाहलाई बिसे नगर्चीले थोरै थोरै खर्चले पनि कसरी ठूलो काम गर्न सकिन्छ भन्ने कुरा उदाहरण सहित सिकाएका थिए । एक विलक्षण प्रतिभा, इतिहास पुरुष, अमर ब्यक्तित्व, बिसे नगर्ची गोरखा राज्य विस्तार गर्न सहयोग गर्ने सल्लाहकार, योजनाविद, आर्थिक जोहो गराउन सल्लाह दिने कुसल व्यक्तित्व थिए । तेतिखेरको नेपाल एकीकरणको अभियानले बिसे नगर्ची, धार्ने कामी, कालू सार्की तथा मणिराम गाइने आदिको महत्त्वपूर्ण योगदान समेटेको छ । बिसे नगर्चीको जन्म बि.स. १७७५ तीर गोर्खामै भएको थियो ।

कार्यक्रममा समितिका महासचिव युवराज घिमिरे, समितिका प्रमुख कार्यकारी अधिकृत अनन्त सिलवालले बुटवलको सामारिक ऐतिहासिक महत्व बोकेको पर्यटकिय पार्क सबै वर्गको अपनत्व हुने गरि पूर्वाधार विकासमा जोड दिएको बताए ।

भिडियो सामग्री