खोज

सहपाठी बिरामी बिद्यार्थीको मृत्युको बिषयलाई लिएर अस्पतालमा तोडफोड मच्चाउने बिद्यार्थीहरुलाई मेडिकल कलेजले कार्यवाही गर्ने भएको छ । मेडिकल कलेजले अस्पतालका चिकित्सक डाक्टर मनोहर जोशीको नेतृत्वमा कलेजले ५ सदस्यीय छानविन समिति समेत गठन गरेको मेडिकल कलेजका जनसम्पर्क अधिकृत शुसिल गुरुङ्गले बताए ।
अस्पतालको गरिमामै आँच पुरयाउने गरि दुश्प्रचार गर्ने र आईसियु तथा सिसियुमा तोडफोडमा संलग्न बिद्यार्थीलाई कार्यवाही अस्पताल प्रशासनले बताएको हो ।
“संलग्न बिद्यार्थीहरुको सिसिटीभि फुटेजबाट पहिचान गर्ने कार्य भई रहेको छ” मेडिकल कलेजका जनसम्पर्क अधिकृत शुसिल गुरुङ्गले भने “आन्तरिक छानविन समिति बनाई उनिहरुलाई कार्यवाही गर्नेछौं ।”
यसरी संलग्न बिद्यार्थीहरुको परिक्षा समेत रोक्न सक्ने अस्पताल प्रशासनले बताएको छ । सोही घटनामा अराजक बिद्यार्थीहरुको समूहले सञ्चारकर्मिहरु सित गरेको दुव्र्यवहार तथा सञ्चार सामाग्री तोडफोड बारे छानविन गर्न जिल्ला प्रशासन कार्यालय रुपन्देहीका प्रशासकिय अधिकृत बिष्णु प्रसाद ज्ञवालीको नेतृत्वमा ५ सदस्यीय समिति पनि गठन भएको छ । दोषी बिद्यार्थीहरुलाई कार्यवाही तथा क्षति भएका क्यामेराको क्षतिपूर्तिकोसहित रुपन्देहीमा क्रियाशिल पत्रकार संगठनहरुको मागलाई सम्बोधन गर्न छानविन समिति गठन गरिएको हो । समितिको सदस्यमा जिल्ला प्रहरी कार्यालयबाट प्रहरी निरिक्षक उमेश जोशी, नेपाल पत्रकार महासंघका उपाध्यक्ष दिनेश पाण्डे, लुम्बिनी प्रेस क्लबका अध्यक्ष माधव ढुङ्गाना र मेडिकल कलेजका १ जना प्रतिनिधि रहने गरि समिति बनाईएको रुपन्देहीका प्रमुख जिल्ला अधिकारी उदय बहादुर रानाले बताए । समितिले १ साता भित्र अनुसन्धान गरि पेश गरेको प्रतिवेदनको आधारमा दोषी उपर कार्यवाही गरिने रानाले जानकारी दिए । सञ्चारकर्मिहरुलाई समाचार संकलन गर्ने वातावरण मिलाई दिन भन्दै नेपाल पत्रकार महासंघ, लुम्बिनी प्रेस क्लब र नेपाल प्रेस युनियनले प्रजिअ रानालाई आग्रह गरेका हुन ।
यसै बिच भैरहवा स्थित मेडिकल कलेजमा चिकित्सकको लापारवाहीले मृत्यु भएका भनिएका महादेव साहका आफन्तले उनको शव बुझ्ने सहमति भएको छ । कलेज प्रशासन सित वार्तामा उनका आफन्तले शव बुझ्ने सहमति भएको अस्पताल प्रशासनले जानकारी दिएको छ ।
मृतकका भाई, मामाका छोराहरु र अन्य आफन्तहरुले शव बुझेका छन । शव बुझे पछि मेडिकल परिसरमै श्रद्धान्जली सभा गरि उनको शव अन्तेष्टिको लागी लगिएको थियो ।
यता दोषी चिकित्सकलाई कार्यवाहीको माग गर्दै बिद्यार्थीहरु दिनभरि अनशन बसेका थिए । बिद्यार्थीहरुको अनशनका कारण मेडिकल कलेजको बहिरङ्ग सेवा पूर्ण रुपमा प्रभावित बनेको थियो । आईतबार आफ्नो सहकर्मिको उपचारमा लापारवाही भएको र उसको ज्यान गएको बताउदै अराजक भएको बिद्यार्थीहरुको समूहले अस्पतालको आईसियु र सिसियुमा तोडफोडको साथै पत्रकारहरुको क्यामरा समेत फुटाएका थिए ।
युनिभर्सल कलेज अफ मेडिकल साईन्सेज भैरहवामा डेन्टल सर्जरीमा अध्ययन गर्ने जनकपुरका महादेव साहको उपचारको क्रममा आईतबार विहान मृत्यु भएको थियो । साहको मृत्युपछि सो कलेजमा अध्ययनरत बिद्यार्थी अराजक हुदै अस्पतालमा रहेको आईसियु र सिसियुमा तोडफोड गर्नुको साथै बुटवल टुडेका वरिष्ठ सम्वाददाता राधेश्याम विश्वकर्माको क्यामेरा फुटाएका थिए

अनेरास्ववियुद्धारा ध्यानाकर्षण
 रुपन्देहीको भैरहवामाअवस्थितयुनिभर्सल मेडिकल कलेजमा यहि श्रावण २० गते आइतबार बिहान घटेको घटनाप्रति रुपन्देहीकादुई ठुला संगठन अनेरास्ववियु र अनेरास्ववियु (क्रान्तिकारी) द्धारा संयुक्त रुपमाध्यानाकर्षण गराएका छन् ।
अनेरास्ववियु रुपन्देहीका अध्यक्ष लेखनाथ खनाल र अनेरास्ववियु (क्रान्तिकारी) का अध्यक्ष रुपेश पौडेलले संयुक्त रुपमा हस्ताक्षर गरिएको विज्ञप्तिमा भैरहवाको युनिभर्सल मेडिकल कलेजमाबीडीएस चौथो वर्षमाअध्ययनरत जनकपुरका विद्यार्थी महादेव साहको उपचारका क्रममा मृत्युभएको र उक्त घटनाको विरोधमा विद्यार्थीहरुले गरेको आन्दोलन मासमाचार संकलनका लागि घटनास्थल पुगेका पत्रकारहरुका बिचमा भएको घटनाप्रति दुख ब्यक्तगरिएको छ । विज्ञप्तिमा आफ्नै कलेजको विद्यार्थीको उपचारमागम्भीर लापरबाहीगर्ने चिकित्सक, कलेज प्रशासन, विद्यार्थीको आन्दोलनमा घुसपैठ गरी अराजकगतिविधिगर्ने ब्यक्तिको छिटो भन्दा छिटो छानविन गरी दोषीलाई कडा भन्दा कडा कारवाहीगर्न तथा स्वच्छ र शान्तवातावरणमा कक्षा सञ्चालन गरी आगामीदिनमा यस प्रकारका घटनाहरु हुन नदिनकालागि सम्बन्धितपक्षसंग आग्रहगरिएको अनेरास्ववियु रुपन्देहीकाअध्यक्ष लेखनाथ खनालले जानकारी गराएका छन् ।