खोज

गत आर्थिs बर्षहरुको तुलनामा यस बर्ष अपराधको संख्या बढेको छ । रुपन्देही जिल्ला अदालतमा आर्थिक बर्ष २०७४÷०७५ मा गत बर्षहरुको तुलनामा यस बर्ष बढी अपराधका मुद्दा दर्ता भएको छ । रुपन्देही जिल्लामा प्रत्येक बर्ष अपराधको संख्याको ग्राफ बढ्दो रहेको तथ्यांकहरुले देखाएका छन ।

रुपन्देही जिल्ला अदालतले सार्वजनिक गरेको तथ्यांक अनुसार आर्थिक बर्ष २०७१÷०७२ मा जिल्ला अदालतमा ३ हजार ६ सय २१ मुद्दा तथा २०७२/०७३ मा यो संख्या बढेर ४ हजार पुगेको थियो । यसै गरि २०७३/०७४ मा ४ हजार ३ सय ४० मुद्दा दर्ता भएका थिए भने गएको आर्थिक बर्ष २०७४÷/०७५ मा यो संख्या ५ हजार ५१ पुगेको रुपन्देही जिल्ला अदालतका श्रेष्तेदार संजिव पोखरेलले बताए ।

जिल्ला अदालतमा बिभिन्न देवानी, फौजदारी रिट लगायतको मुद्दा दर्ता हुने क्रम बढ्दै गए पनि गत बर्ष रुपन्देही जिल्ला अदालतले लिएको लक्ष्य भन्दा कम मुद्दा फछर्यौट गरेको छ । श्रेष्तेदार पोखरेलले न्यायपालिकाको तेश्रो पञ्चबर्षिय रणनितिक योजना अन्र्तगत रुपन्देही जिल्ला अदालतको चौथो कार्य योजना तर्जुमा गर्दा पछिल्लो आर्थिक बर्षबाट १ हजार ९ सय ५१ मुद्दा जिम्मेवारी सरेर आएका थिए । यसै गरि पर्न सक्ने मुद्दा ३ हजार ३ सय ६८ र जिम्मेवारी सरि आएको मुद्दा समेत गरि अनुमानित ५ हजार ३ सय १९ मुद्दाको ६५ प्रतिशत मुद्दा फछर्यौट गर्ने अदालतले लक्ष्य लिएको थियो । आर्थिक बर्ष २०७४÷/०७५ मा ३ हजार १ सय मुद्दा मात्र दर्ता भएकोमा जम्मा मुद्दा संख्या ५ हजार ५१ मध्ये ३ हजार १ सय १३ थान मुद्दा अर्थात ६१ दशमलव ६३ प्रतिशत मुद्दा मात्र अदालतले फछर्यौ गर्न सकेको पोखरेलले बताए । गत आर्थिक बर्षमा बिभिन्न निर्वाचनमा अदालतका न्यायधिश एवम कर्मचारीहरु खटिएको तथा तथा लक्ष्य निर्धारण गर्दा ७ जना न्यायधिशलाई तोकेर गरेकोमा ६ जना न्यायधिश मात्र कार्यरत रहेको कारण आशतित लक्ष्य प्राप्त गर्न नसकिएको अदालतको भनाई छ ।

रुपन्देही जिल्ला अदालतका न्यायधिश नरिश्वर भण्डारीले रुपन्देही अन्तरदेशीय सीमा रहेको कारण यस जिल्लामा अत्याधिक मात्रामा लागु औषधको मुद्दा रहेको बताउछन । उनले लागु औषधको मुद्दा बढी भएको कारणले नै प्रत्येक बर्ष रुपन्देहीमा अपराधको संख्या बढ्दो रहेको बताए । यस अतिरिक्त मानिसहरुमा न्याय प्रति विश्वास बढेको र आफ्नो अधिकार प्रति सजग रहेको कारणले पनि जिल्लामा मुद्दाको संख्या बढी रहेको जिकिर गरे ।

रुपन्देही जिल्ला अदालतमा आर्थिक बर्ष २०७४/०७५ मा सबै भन्दा बढी मुद्दा अंश सम्बन्धि परेको थियो । ७ सय २६ वटा अंश मुद्दामा २ सय ३५ वटा फछर्यौट गरिएको थियो भने ४ सय ९१ वटा फछर्यौट हुन बाकी रहेको छ । यसै गरि अंश मुद्दा पछि सम्बन्ध बिच्छेदको मुद्दा बढी रहेको रुपन्देही जिल्ला अदालतका श्रेष्तेदार सञ्जिव पोखरेलले बताए । २०७४÷/०७५ मा ५ सय १४ वटा सम्बन्ध बिच्छेदका मुद्दा परेकोमा ३ सय ७६ वटा मात्र फछर्यौट हुन सकेको थियो भने १ सय ३८ वटा मुद्दा फछर्याैट हुन बाकी रहेको छ । जिल्ला अदालतमा लेनदेनका ३ सय २० , लागे औषधका ३ सय १९, जग्गा सम्बन्धि २ सय ४७, जालसाजीको १ सय ६४, सवारी ज्यानको १ सय २१, चोरीको ९१, फैसला बदर ७४ र जवरजस्ती करणीका ४५ मुद्दा दर्ता दर्ता भएको पोखरेलले बताए ।