खोज

बुटवल,,१६ चैत । राष्ट्रिय स्वतन्त्र पार्टीले आगामी वैशाख १० गते तीन वटा निर्वाचन क्षेत्रमा हुने उपनिर्वाचनमा कसैसँग तालमेल नगर्ने भएको छ ।

गठबन्धनले रास्वपालाई बारा २ र तनहुँ १ छाड्ने शर्तमा चितवन २ मा रवि लामिछानेलाई सघाउने प्रस्ताव गरेको थियो । तर, रास्वपाले तीनवटै क्षेत्रमा पार्टी बलियो रहेको ठहर गर्दै प्रस्ताव अस्वीकार गरेको छ ।

रास्वपाले तीनवटै क्षेत्रमा उम्मेदवारी दिने आधिकारिक निर्णय लिएको छ । चितवन २ मा रवि लामिछाने उम्मेदवार हुने छन् भने तनहुं १ मा कांग्रेस नेता स्वर्णिम वाग्लेलाई उम्मेदवार बनाउन छलफल गरिरहेको समाचारले कांग्रेसभित्र तरंग उब्जिएको छ ।
चितवन २ बाट कांग्रेसले जितनारायण श्रेष्ठलाई उम्मेदवार बनाउने आज निर्णय गरेको छ । यस्तै तनहुँ १ बाट कांग्रेसकै गोविन्द भट्टराई गठबन्धनका साझा उम्मेदवार बन्नेछन् ।

बारा २ मा भने सत्तारुढ गठबन्धनकै दलहरुबीच टकराबको अवस्था देखिएको छ । जनता समाजवादी पार्टीबाट अध्यक्ष उपेन्द्र यादवले उम्मेदवारी दिँदै छन् भने जनमत पार्टीले शिवचन्द्र कुसवाहलाई उठाउने तयारी गरेको छ ।

लोकतान्त्रिक समाजवादी पार्टीबाट चर्चित मधेसवादी नेता राजेन्द्र महतो पनि यही क्षेत्रमा भिड्न आउने भएका छन् ।

रास्वपाले भने उम्मेदवार तय गर्न बाँकी छ । बताए ।