खोज

बुटवल,६ चैत । लुम्बिनी प्रदेशकै सबैभन्दा धेरै विद्यार्थी भएको ठूलो क्याम्पस बुटवल वहुमुखीमा भएको स्ववियू चुनावमा नेकपा एमाले निकट अनेरास्ववियुले प्यानल नै जित्ने निश्चित भएको छ । कुल ७ हजार ११० विद्यार्थी मतदाता रहेको क्याम्पसमा २ हजार ६ सय ८१ मत खसेको थियो । २१ सय ५५ मत गणना हुंदा अध्यक्ष पदमा अनेरास्ववियुका उम्मेदवार दुर्गा बहादुर एमसी निकटतम प्रतिस्पर्धी माओवादी निकट अखिल क्रान्तिकारीका शिव बहादुर खवास भन्दा चार सय बढी मतले अगाडि रहेका छन् । नेपाल बिद्यार्थी संघका सागर पौडेल तेस्रो स्थानमा छन् । यहां राष्टि«य स्वतन्त्र बिद्यार्थी समुहका बरन्यम राज गौतमको नेतृत्वमा एउटा प्यानल,अखिल नेपाल स्वतन्त्र बिद्यार्थी युनियनका क्रान्तिकारी बिप्लवका पदम पराजुलीको प्यानल र अखिल क्रान्तिकारी बहुमतका पारस राहादीको प्यानल गरी ६ वटा संगठनबीच प्रतिस्पर्धा भएको थियो ।

त्यसैगरी सचिव पदमा अनेरास्ववीयुका उम्मेदवार निलकन्ठ पाण्डेय, कोषाध्यक्ष पदमा अनेरास्ववीयुका शशांक बस्याल निकटतम प्रतिस्पर्धी भन्दा चारसय मत अन्तरले अगाडि छन् । यस्तै सदस्य पदमा पनि अनेरास्ववीयुका नविन खनाल, सुचना भण्डारी, सुनिल कार्की, भुकम्प अर्याल, बिमल कुमार पासी, सागर एमसी र प्रज्वल बस्नेत नै फराकिलो मतान्तरले अगाडि छन् । अब गन्न ५२६ मत मात्रै बांकी रहंदा ४ सय बढी मतान्तरले अनेरास्ववियुको पयानल अगाडि रहेकाले जित निश्चित भएको हो ।

बुटवल वहुमुखीमा २०४५ सालदेखि नै अनेरास्ववियुले एकछत्र जित्दै आएको छ । यसपटक पनि अनेरास्ववियुले आफ्नो विरासत जोगाउने निश्चित भएको एमाले नेता एवं पुर्व स्ववियु सभापति बाबुराम पन्थीले बताए । ‘अनेरास्ववियुले ५ सय हाराहारी मतान्तरमा प्यानलै जित्ने देखिएको छ’– पन्थीले भने ।