खोज

सुनवल, ३० फागुन । बर्दघाट नगरपालिकामा रहेको खजुरा खोलाबाट नदिजन्य पर्दाथको अवैध रुपमा चोरी निकासी बढेको छ । कसैले पनि चासो नदिएपछि रातिमा हुदै आएको चोरी दिनदाहाडै खुलेयाम हुन थालेको छ । नदिजन्य पर्दाथ उत्खनन गरेर लैजाने गरिएपनि स्थानिय तह, सुरक्षा निकाय कसैले पनि चासो नदिएको गुनासोका बिच मंगलबार बर्दघाट नगरपालिकाका जनप्रतिनिधि सहितको टोली खोलामा पुग्दा ५ ओटा ट्याक्टरले खुलेयाम नदिजन्य पर्दाथ संकलन गरिरहेका थिए ।

नगरप्रमुख शम्भुलाल श्रेष्ठ,उपप्रमुख रुद्रप्रकाश उपाध्याय सहितका जनप्रतिनिधि र नगर प्रहरीको टोलिले खजुरा खोला अनुगमनका क्रममा अवैध उत्खनन् गरिरहेको अवस्थामा ईलाका प्रहरी कार्यालयको सहयोगमा ट्र्याक्टरहरू नियन्त्रणमा लिएको छ । अवैध उत्खनन्मा प्रयोग गरिएका लु ४ त २५२३,लु ४ त २२१२,लु ३ त ६१५,लु ४ त ९०९४ र लु ३ त ३३६ नम्बरको ट्याक्टर नियन्त्रणमा लिएर ईलाका प्रहरी कार्यालय बर्दघाटमा बुझाईएको छ । केहि दिन अगाडी मात्रै पनि प्रहरीले दुई ओटा ट्याक्टर नदिजन्य पर्दाथ सहित नियन्त्रणमा लिएको थियो । स्थानिय केहि जनप्रतिनिधिकै मिलिमतोमा खजुरा खोला दोहन भईरहेको स्थानियको गुनासो छ । एक हप्ता अगाडी पत्रकार सहितको टोली खोलामा पुग्दा १० मिनेटको अवधिमा ५ ओटा ट्याक्टर बाट ढुंगा र बालुवा तस्करी भएको थियो । खोला दोहन हुदा पनि बर्दघाट नगरपालिकाले भने मुख्य आम्दानीको स्रोत खजुरा खोलाको टेन्डर खुलाएको छैन् ।

नदीजन्य पदार्थको व्यापक चोरी निकासी भएको गुनासो पछि यस पटकलाई खोलाको टेन्डर नखुलाइएको नगरप्रमुख शम्भुलाल श्रेष्ठले बताए । पूर्ण रुपमा अवैध उत्खनन् रोक्नकालागी नगर प्रहरी समेत परिचालन गरिएको छ श्रेष्ठले भने, हामि चोरी हुन नदिन प्रतिवद्ध छौ ।

केहि दिन अगाडी मात्र नगर प्रमुख श्रेष्ठले जथाभावि उत्खनन् हुने भएकाले ५ वर्ष नै खोलाको टेन्डर नखुलाउने बताएका थिए । बर्दघाट नगरपालिकाले विगतमा खोलाजन्य पर्दाथको ठेक्का पट्टा बाट दुई करोड सम्म राजश्व संकलन गर्दे आएको थियो, यसपटक खोलाको टेन्डर आह्वान नगर्दा उक्त राजश्व गुम्ने देखिएको छ ।