© २०२३
५ आश्विन २०८१, शनिबार
५ आश्विन २०८१, शनिबार
बुटवल, २२ फागुन । ११३ औँ अन्तर्राष्ट्रिय श्रमिक नारी दिवसको अवसरमा बुटवल –३, चिडियाखोलास्थित लुम्बिनी बोर्डिङ स्कुलले महिला शिक्षक र कर्मचारीलाई सम्मान गरेको छ ।
अन्तर्राष्ट्रिय श्रमिक नारी दिवसको विषयमा शिक्षक र विद्यार्थीलाई जानकारी गराउन विद्यालयले अन्तर संवाद समेत आयोजना गरेको थियो ।
सोही कार्यक्रममा महिला शिक्षक र कर्मचारी गरी २४ जनालाई विद्यालयले सम्मान गरेको हो ।
अन्तर संवादमा प्रमुख वक्ताको रुपमा बोल्दै महिला अधिकारकर्मी अधिवक्ता इन्दिरा आचार्यले अन्तर्राष्ट्रिय श्रमिक नारी दिवस पारेर महिला शिक्षक र कर्मचारीलाई सम्मान गरेर विद्यालयले राम्रो शुरुवात गरेको बताइन् ।
अझै पनि महिला श्रमिकहरु तलब लगायत अधिकार प्राप्तिमा विभेदमा परेको भन्दै आचार्यले महिला श्रमिकलाई समान अधिकार दिनुपर्नेमा जोड दिइन् ।
विद्यालयका प्राचार्य एवम् प्याब्सन लुम्बिनी प्रदेशका अध्यक्ष लालहरि पाण्डेले घर, परिवार,समाज र राष्ट्रकै प्रगतिमा नारीको भूमिका अहं हुने बताए । कार्यक्रममा विद्यालयका सह–प्राचार्य कौशलराज बस्याल,शिक्षिका गिता गैरे,शिक्षिका इरिसा आचार्य,शिक्षिका सुनिता शर्माले आफ्ना भनाई राखेका थिए ।
© २०२३
सर्वाधिकार सुरक्षित
Design & Developed By:
