खोज

रुपन्देहीको ओमसतिया गाउँपालिका वडा नम्बर–६ रामजानकी मन्दिर परिषरमा रहेको प्राचिन महत्व बोकेको ताल पर्यटकिय संभावना हुँदा हुदै पनि ओझेलमा परेको छ । गाउँपालिकाले यसरी पुरात्तवीक महत्व बोकेको ताल संरक्षणको लागि विशेष चासो दिएर गुरुयोजना निर्माणको कार्य सुभारम्भ गरेको छ ।
प्राचिन किंवदन्ती अनुसार सुनको औठी लगाएका २५ देखि ४० किलो सम्मका माछाहरु पाईने तालको विचमा विशाल रामजानकी मन्दिर निर्माण सहित आन्तरिक र वाह्य पर्यटक आर्कषण गर्नको लागि योजना बनाएर अगाडी बढेको ओमसतिया गाउपालिकाका प्रवक्ता तथा वडा नम्बर ६ का अध्यक्ष शिव कुमार धवलले जानकारी दिए ।
उनका अनुसार जनप्रतिनिधि विहिन हुँदाको अवस्थामा धार्मिक पर्यटकीय संभावनाको क्षेत्रको रुपमा समेत रहेको मन्दिर र ताल संरक्षणमा ठोस पहल हुन सकेको थिएन । जननिर्वाचित प्रतिनिधिहरु आएपछि गाउपालिका भित्र रहेका सतिया माई मन्दिर र रामजनकी मन्दिरका साथै गाउँपालिका भित्र रहेका तालहरुका समेत गुरुयोजानमा गाउँपालिका अगाडी बढेको छ । विगतका बर्षहरुमा विस्तृत योजनाको अभावले आवश्यक काम अगाडी बढाउन नसकिएको जानकारी दिदै गाउँपालिकाका प्रवक्ता केवटले गुरुयोजनाको लागि गाउपरिषद् बाट २५ लाख रुपैयाँ समेत विनियोजना गरिएको छ । उनी भन्छन्–‘भैरहवा –परासी सडक खण्डबाट जम्मा डेढ किलोमिटरको दुरुमा रहेको ताल संगैको मन्दिरको गुरुयोजानमा निर्माणमा हामी लागेका छौ ।’
सिमसार क्षेत्रको रुपमा रहेको रामजानकी तालमा करिव २ सय भन्दा बढि प्रजातीका चराहरु समेत पाईने गरेको पाईन्छ । तालको विचमा विशाल रामजानकी मन्दिर समेत निर्माण गर्ने, छेउछाउको स्थान फराकिलो बनाएर त्यहा बच्चाहरुको लागि खेलौनाहरु, पिङ्ग, झुलाका साथै विभिन्न सेडहरु समेत निर्माण गरी आन्तरिक र वाह्यह पर्यटक बढाउने योजानमा आफुहरु लागेको वडाअध्यक्ष समेत रहेका गाउपालिका प्रवक्ता केवटले जानकारी दिए ।
२ विघा मन्दिर क्षेत्रफल र २ विघा क्षेत्रफल ताल रहेको क्षेत्रमा छठ को अवसरमा विशेष मेला समेत लाग्ने गरेको छ । यहि छठ पर्वको अवसरका यहि २६, २७ गते आयोजना हुने विशेष सास्कृतीक पर्वलाई समेत लक्षित गरेर ताल परिषरमा सरसफाई लगायतका कामहरु गरिएको छ । मन्दिरको तल, जमिन मुनी रहेका विभिन्न ठुल–ठुला भ्वाङ्गहरुमा अहिले पनि ३० देखि ४० किलो सम्मका माछाहरु पाईने गरेको स्थानियहरु बताउछन् । मन्दिरमा छठ पर्वको अवसरमा सास्कृतीक कार्यक्रम समेत गाउपालिकाले आयोजना गर्दै आएको छ । यस बर्ष पनि त्यसलाई निरन्तरता दिने जनाइएको छ ।
भविश्यमा ओम सतिया गाउपालिका रहेका दुई वटा सतिया माई मन्दिर र रामजनकी मन्दिरलाई पर्यटकीय स्थलको रुपमा अगाडी बढाउने गरी कार्य अगाडी बढाइएको गाउँपालिकाका अध्यक्ष हिरा बहादुर केवटको भनाई रहेको छ । प्रचिन काल देखि रामजानकी मन्दिर परिषरका रहेका तालका रहेका माछाहरु कसैले पनि खाने गदैनन्, जहाँको माछा मारेर खाएमा पाप लाग्ने किंवदन्तीका अनुसार स्थानियहरुले माछा संरक्षण गरेर राखेका छन् । खासगरी साँझको समयमा माछाहरु बाहिर समेत देखिने गरेको स्थानियले बताए । यस्तै ताल परिषरमा रहेको मन्दिरमा नागहरु समेत बेला बेलामा देखिने गरेका छन् । कसैलाई नि ति नगले हाल सम्म डसेको पाइएको छैन ।
वडा नम्बर ६ का वडा सचिव बलराम श्रेष्ठका अनुसार गाउँपालिकाको योजना अनुसार नै अहिले ताल संरक्षणको कार्य अगाडी बढाइएको छ । तालको विचमा अलि ठुलो आकारमा रामजनकी मन्दिर निर्माण गर्नुृको साथै हालको अवस्थामा रहेको रामजनकी मन्दिरको स्तर उन्नती सहित ताल परिषरमा विभिन्न खेल्ने झुलाहरु समेत निर्माण गर्ने योजना अगाडी बढाइएइको छ । à