खोज

दाङ, १० मंसिर । दाङ क्षेत्र नं २ मा प्रतिनिधि सभा सदस्यमा पराजित नेकपा एमालेका महासचिव शंकर पोखरेलले हारलाई अवसरका रुपमा लिएको बताएका छन् । उनी गठबन्धनकी उम्मेदवार माओवादीकी रेखा शर्मा संगको प्रतिस्पर्धामा १ सय ९६ मतान्तरले पराजीत भएका थिए । शुक्रवार घोराहीमा पत्रकार भेटघाट कार्यक्रमलाई संवोधन गर्दे हार जीत स्वाभाविक प्रक्रिया भएको भन्दै अव पार्टी निर्माणमा ध्यान केन्द्रित गर्ने बताए । ‘राष्ट्रिय राजनीतिमा प्रतिनिधित्व गर्ने र त्यसैका माध्यमवाट समग्र दाङको विकास गर्ने सपना तुहिएको छ, तर अवको पाँच वर्षमा पार्टी निर्माणमा लाग्नेछु,उनले भने । विजयी भएका साथीहरुसंग सहकार्य गर्र्देै दाङको बिकाश निर्माणमा सघाउनेछु’–उनले भने, । ‘म पछाडी फर्कन चाहान्न, अवको दिनमा वलियो राजनीतिक शक्ति निर्माणको माध्यमवाट मुलुकलाई स्थायित्वको दिशामा लैजान ध्यान केन्द्रित गर्नेछु’ ।
पत्रकार भेटघाट कार्यक्रमलाई सबोधन गर्दे महासचिव पोखरेलले नीति र एजेण्डामा आधारित सरकार बनोस् र देशलाई अहिलेको समस्यावाट निकाल्न सकियोस् भन्दै शुभकामना व्यक्त गरे । उनले अहिले जिल्लाबाट निर्वाचित भएका प्रतिनिधि तथा प्रदेशसभा सदस्यहरुलाई दाङको फोरलेन सडक, एरपोर्ट, औद्योगिक क्षेत्रको निर्माणका कामको थालनीका लागि भूमिका खेल्न आग्रह गरे ।
दाङ जिल्ला इन्चार्ज नरुलाल चौधरीको अध्यक्षमा भएको कार्यक्रमको सहजीकरण दाङ जिल्ला सचिव मनोहर बुढाथोकीले गरेका थिए ।