खोज

बुटवल, २२ मंसिर । शैक्षिकसंग खेलकुद र अतिरिक्त क्रियाकलापमा अगाडी रहेको एभरेष्ट ईगलिस बोर्डिङ माबिमा अन्तरमाबि बादविवाद प्रतियोगिता भएको छ । बाह्रौ संस्करणको एभरेष्ट अन्तर विद्यालय बादविवाद प्रतियोगिता २०८० मा ‘देशको आर्थिक समृद्धि : स्थानिय उत्पादनको बजारीकरण वा रेमिटेन्समा वृद्धि’ विषयमा विभिन्न विद्यालयबाट सहभागी १७ जना विद्यार्थीहरुले प्रस्तुती गरे । कार्यक्रमको एक समारोहका बिच प्रदेश परिक्षा ब्यवस्थापन कार्यालय बुटवलका प्रमुख रमाकान्त तिवारीले उद्घाटन गर्दै बालबालिकामा अन्तरनिहित प्रतिभा प्रस्फुटनका लागि कार्यक्रम महत्वपूर्ण भएको बताए ।

विद्यालयका प्राचार्य कृष्ण न्यौपानेले रुपन्देहीको शैक्षिक क्षेत्रमा नीजि क्षेत्रबाट आफुहरुले गुणस्तरीय शिक्षा दिन सफल भएको दाबी गरे । बालबालिकाहरुलाई शैक्षिकसंगै खेलकुद र अन्य विभिन्न रचनात्मक क्रियाकलापमा सहयोग गर्दै आएको उनले बताए ।

कार्यक्रममा निर्णायक समितिका संयोजक ऋषिराम भुषालले विद्यालयस्तरमा गरिने यस्ता प्रतियोगिताकै कारण बालबालिकाहरुमा वाक सिद्घ प्राप्त हुने बताए । परापुर्वकालदेखि नै समाजमा तर्कशास्त्रको अभ्यास, न्यायदर्शनका बौद्धिक दर्शनहरुकै कारण थोरै भएपनि नया सिकाईका रुपमा रहेको उनले बताए । हरेक जसो विश्वका समाज विकासको ईतिहासमा तर्क र न्यायशास्त्र बारे उपयोगी हुने गर्दछ । तर्कमात्र नभई कुतर्कको निस्तेज गर्ने बारेसमेत यस्ता कार्यक्रमबाट ज्ञान हुने उनले बताए । सहभागीहरुलाई प्रस्तुति, खण्डन, तार्कितता, भाषाशैली, उपसंहारका आधारमा विजेता घोषित गरिने उनले बताए ।

कार्यक्रममा नेपाल अभिभावक संघका लोकनाथ ज्ञवाली, नेपाल पत्रकार महासंघ रुपन्देहीका अध्यक्ष रामराज पोखरेल, प्रदेश परीक्षा ब्यवस्थापन कार्यालयका बाबुराम भण्डारी, एनप्याब्सलका प्रदेश उपाध्यक्ष कृष्ण पौडेल, शिक्षक माधव पौडेलले कार्यक्रम निक्कै उपलब्धिपुर्ण भएको भन्दै यसलाई सबैजसो विद्यालयहरुले महत्वदिनुपर्ने बताए ।
कार्यक्रममा विद्यालयका सहप्राचार्य भिमसेन गौतमले प्रतियोगिताको उपाधि विजेतालाई नगद १५ हजार, प्रमाणपत्र, उपविजेतालाई नगद १० हजार, प्रमाणपत्रबाट पुरस्कृत गरिने बताए । यसैगरि तृतियलाई नगद ६ हजार तथा सान्त्वनालाई ३ हजार रुपैयाबाट पुरस्कृत गरिने उनले बताए ।

प्रतियोगितामा सहभागीहरुले ६ मिनेटमा गोलाप्रथाबाट छनौट भएअनुसार पक्षविपक्ष विषय छनौट गरि ६ मिनेटमा आफ्नो प्रस्तुति दिएका छन । सहभागीहरुले श्रम निर्यात गरेर कुनै पनि देश समृद्धि भएको ईतिहास, देशको आर्थिक समृद्धिका लागि स्थानिय उत्पादनको बजारीकरण जरुरी, रेमिटेन्स अहिलेको देशको अर्थतन्त्रको मेरुदण्ड हुनुको कारण, गरिबी र पछ्यौटेपनालाई हटाउदै वैदेशिक रोजगारबाट भित्रने रेमिटेन्स महत्वपूणजस्ता तर्कहरु प्रस्तुत गरेका थिए ।