खोज

तानसेन नगरपालिका १३ बौघागुम्भाका चेतबहादुर थापा उमेरले ६५ वर्षका भए । तीन सन्तानका बाबु थापा पुर्व भारतिय सेना हुन । अहिले उनले सामान्य खेती किसानी गरिरहेका छन् । बृद्ध आमा र श्रीमती सहित बसिररहेका थापाका छोरा छोरी भने आर्थिक जोहका लागि घर बाहिर छन् ।

सोमबार नगरप्रमुख आफ्नो घरमा आएर कुराकानी गर्दा थापालाई निकै खुशी लाग्यो । आफ्नो नगरप्रमुख यसरी घरमा आएका ेपहिलो पटक हो । यसरी घरमै आएर आफ्नो समस्या बुझ्दा बताउन सहज भएको थापाले बताए । प्रमुख हाम्रो घरमा आउनु भयो, यहाँ मैले मेरा मनमा लागेका कुरा भन्ने मौका पाए, उनले भने । यो कुरा मैले कहि भन्नै ठाउँ नै पाएको थिईन । ठुला भेलाहरुमा हामीलाई भन्न नि गाह्रो हुन्छ, कसरी बोल्ने भन्ने हुन्छ, उहाँ घरमै आएपछि सबै समस्या बताउन सजिलो भयो । मैले त उनलाई विकास निर्माणसँगै यहाँको कृषि व्यवसायलाई पनि प्राथमिकतामा राखेर काम गर्न सुझाव दिए । यसो गर्न सकियो भने हाम्रा सन्तानलाई अर्काको देशमा पसिना बगाउन नपर्ला कि भनेर सुझाव दिएको हुँ थापाले अगाडी भने ।

थापा मात्र होईन यसरी घर घरैमै नगर प्रमुख पुगेर समस्या बुभ्दै हिड्दा तानसेन नगरबासीमा नै खुशी हुने गरेका छन् । आफ्ना गाउँका समस्या भेटेरै, दोहोरो कुराकानी गरेर बताउँन पाउँदा आफुहरुलाई सहज भएको स्थानीयको भनाई छ ।

तानसेन नगरपालिकामा नगर प्रमुख अशोक शाहीले दुई वर्षदेखि यसरी नियमित रुपमा गाँउ गाँउ पुग्ने गरेका छन् । गाँउका समस्या समाधान गर्न सहज होस् भन्ने उद्देश्य राखेर आफु गाँउ टोल पुग्न थालेको नगरप्रमुख शाहीले बताए । उनी भन्छन्, मेरो नगरमा यसरी जानु ठुलो कुरा नदेखिए पनि यसले गाउँघरको सानातिना समस्या समाधान गर्न र विकास समृद्धिमा ठुलो सहयोग पुग्छ भन्ने मलाई लाग्छ । मेरो गाँउ टोल हो, यहाँका समस्याहरुलाई बुझन जानु मेरो कर्तव्य हो मैले जति नजिकबाट देख्छु त्यति नै काम गर्न सहज वातावरण हुन्छ । अरुले भनेको कुरा भन्दा पनि धेरै आफुले अवलोकन गर्दा फाइदा पुग्छ जस्तो लागेर जाने गरेको छु । त्यसमा पनि अहिले त जसले बोलाउनु हुन्छ म त्यहि पुग्ने कोशिसमा छु ।

म जाँदा आफ्ना नगरवासीले खुशी व्यतm गर्नु भएको छ । आफुले भन्न चाहेर पनि भन्न नसकेका कुराहरुलाई म सँग आफनै घरमा ढुक्कले भन्नु भएको छ, मैले त्यसलाई ग्रहण गरेको छु । यसरी जनताको घर दैलोमा पुग्दा मलाई योजना बनाउन र कार्यान्वयन गर्न सहज हुन्छ भन्ने विश्वास छ । स्थानियहरुले पनि म यसरी गाँउ टोलमा पुग्दा भनेका समस्याहरु योजनामा परुन भन्ने खालले सुझाव दिनु भएको छ । यसका साथै अर्को कुरा हामीले विकास समृद्धिका कुरा गरिरहदा वास्तवमा अवस्था के छ त भन्ने लागेर यो कार्यक्रम शुरु गरेको हो । यसबाट नगरपालिकालाई धेरै सुझावहरु प्राप्त भएका छन् । ति सुझावहरुलाई योजनामा पार्दे आगामी दिनहरुमा कार्यान्वयन गर्ने हाम्रो प्रमुख लक्ष्य छ । त्यसै अनुसार कामहरु पनि भईहेको छ, प्रमुख शाहीले बताए ।

उनी भन्छन्, हामी यसरी घर घरै आफना जनतासँग हिड्न लागेको दुई वर्ष भयो । यति बेला सम्म केहि भएन अहिले आएर कतिले चुनावको प्रचार गर्न हिड्यो भन्ने खालका आरोप पनि लागेको छ । म जनप्रति भएकै नाताले आफना नगरबासीसँग उनीहरुको घरमा जान नहुने भन्नै छैन भन्ने लाग्छ । जसले जे भने पनि म यो भेटघाटबाट नगरलाई सबल बनाउने धेरै पक्षहरु भ्ोटाउने आशमा छु । त्यस कारण पनि यो कार्यक्रम निरन्तर चल्यो र चलिरहन्छ ।