खोज

राष्ट्रपति विद्यादेबी भण्डारीको शनिबार महामानव बुद्धको पबित्र जन्मभूमि लुम्बिनीमा आगमन हुने भएको छ । उनी लुम्बिनी बौद्धबिश्व बिद्यालयको १४ औं बार्षिकोत्सव तथा भवन उद्घाटन कार्यक्रमको निमन्त्रणामा बुद्धजन्मथलो लुम्बिनी आउन लागेकी हुन् । राष्ट्रपति भण्डारीको आज बिहान साढे १० बजे आगमन भई १४ औं बाषर््िाक समारोहको प्रमुख आथियत्ता गृहण गर्नुका साथै नवनिर्मित छात्रछात्राबास,शिक्षक आवास, उदघाटन गर्ने कार्यक्रम तय भएको बिश्वबिद्यालय स्थित प्रशाषनशाखाले जनाएको छ । यसै गरि बार्षिक उत्सव समारोहमा परराष्ट्रमन्त्री प्रदीप कुमार ज्ञवाली, पर्यटन तथा नागरिक उड्ययन संस्कृति मन्त्री, शिक्षा बिज्ञान तथा प्रबिधी मन्त्री प्रदेश प्रमुख र प्रदेश नं. ५ का मुख्यमन्त्री समेतलाई बिशिष्ट अतिथीका रूपमा सरीक हुने लुम्बिनी बौद्ध बिश्वबिद्यालयका कार्यबाहक उपकूलपति एवं रजिष्टार तिलकराम आचार्यले जानकारी गराए ।

उनले कार्यक्रमलाई सफल बनाउनका लागि लुम्बिनी क्षेत्रका शैक्षिक संघ,संस्था,बौद्धभिक्षु उपासक, उपासिका तथा स्थानीय नागरिक समाजका अगुवाहरूलाई निमन्त्रणा पाठाइएको बताए । राष्ट्रपति भण्डारीको लुम्बिनी आगमन संर्दभमा नेपाली सेना, नेपाल प्रहरी, सशस्त्र प्रहरी, दंगाप्रहरी चारवटै सुरक्षा अंगलाई परिचालन गरि बिशेष सुरक्षा ब्यवस्था गरिएको कुरा रूपन्देही प्रमुख जिल्ला अधिकारी उदयरानाले बताए । उनले राष्ट्रपति सेनाको हेलीकम्पटर चार्टर गरि सिधै लुम्बिनी हेलीपैडमा अवतरण पश्चात बौद्ध बिश्वबिद्यालय र मायादेबी मन्दिर सम्म आवत जावत क्रममा निजी तथा सार्बजनिक यातायातका सवारी साधन बन्दगराईने जानकारी गराए । यसअघि श्रीलंकाली राष्ट्रपति महेन्दाराजपाक्षको पनि लुम्बिनी बौद्ध बिश्वबिद्यालयमा आगमन भएको थियो