खोज

गुल्मी र वाग्लुङ्गको संगम स्थल खारबजारमा प्रथम बडिगाड महोत्सव तथा पौंदीन्वागी मेला सम्पन्न भएको छ । स्थानीय कला, संस्कृति र परम्पराको संरक्षण तथा संवद्र्धन गर्ने उद्देश्यले विगत लामो समयदेखि उक्त स्थानमा न्वागि मेलाको आयोजना गर्ने परम्परा भएपनि यो पटक न्वागी मेलासँगै प्रथम बढीगाड मेलाको समेत आयोजना गरिएको थियो ।
मंसिर १ गतेदेखि संचालन भएको उक्त महोत्सव विविध कार्यक्रमहरूको आयोजना गरि नौं दिनसम्म सञ्चालन गरिएको थियो ।

‘कला संस्कृति, कृषि र पर्यटन, संमृद्ध बडिगाडको आधार, प्रथम बडिगाड महोत्सव तथा पौंदिन्वागि मेला, नमूना बडिगाडको पुर्वाधार’ भन्ने मूलनारा सहित महोत्सव तथा मेलाको आयोजना गरिएको हो ।
स्थानीय कला संस्कृति र उत्पादनको प्रवद्र्धन एवं बडिगाड गाउँपालीका अन्र्तगतका धार्मिक, साँस्कृतिक र पर्यटकीय क्षेत्रको प्रचार प्रसार गर्न मेला अविष्मरणीय मात्र नभई थप ऐतिहासकि बनेको आयोजकहरूले बताएका छन् । एक लाखभन्दा वढी दर्शकहरूले अवलोकन गरेको उक्त महोत्सवमा ३ करोड रूपैंयाँ बरावरको कारोवार भएको बडिगाड संस्कृति तथा प्रवद्र्धन केन्द्रका अध्यक्ष कलाधर घिमिरेले बताए ।
महोत्सवमा सबै भन्दाबढी आकर्षणको रूपमा बुर्तिवाङ्ग आरन व्यवसायी सेवाद्वारा निर्मित ३५ किलोको नेपाली खुकुरि रहेको थियो । उक्त खुकुरी हेर्न र त्यसलाई समातेर तस्वीर लिनका लागि सर्वसाधारणको दिनहुँ घुँईचो लाग्ने गरेको देखिन्थ्यो । महोत्सवलाई थपआकर्षक बनाउनका लागि आयोजकहरूले राष्ट्रिय स्तरकाचर्चित कलाकारहरू, स्थानीय साँस्कृतिक झाँकिहरू, खुल्ला भलीवल प्रतियोगिता संचालन गर्नुका साथै, कृषि उत्पादनका विभिन्न उपजहरूसमेत प्रर्दश नगरिएको आयोजक केन्द्रका सचिवविष्णु प्रसादआचार्यले बताए । बडिगाड संस्कृति प्रवद्र्धन केन्द्रको आयोजना, सितुरियो कराँते बडिगाड डोजोको सहआयोजना र बडिगाडगाउँपालिकाको मुख्य प्रवद्र्धनमा उक्त महोत्सव तथा मेला सम्पन्न भएको थियो ।