खोज

आन्तरीक राजश्व कार्यालय बुटवल र आन्तरीक राजश्व कार्यालय भैरहवाले आफ्नो कार्यक्षेत्रबाट सबैभन्दा बढी कर तिर्ने करदातालाई शुक्रवार सम्मान गरेको छ ।
बुटवल कार्यालय मातहत रहेका रूपन्देहीको उत्तरी क्षेत्रबाट बुटवल स्थित कम्युनिटी डेभलपमेण्ट बैक, पश्चिम नवलपरासीको उत्तरी क्षेत्रबाट बर्दघाट स्थित किसान पाइप इण्डष्टिज प्रालि, पाल्पाबाट रामपुर स्थित अन्धकार मुक्ति र गुल्मिको रेसुगां स्थित मैत्री बहुउद्देश्यीय सहकारी सस्था तथा भैरहवा कार्यालय मातहत रहेका रूपन्देहीको दक्षिणी क्षेत्रबाट कोटीहवा स्थित जनउत्थान बचत तथा ऋण सहकारी सस्था र पश्चिम नवलपरासीको दक्षिणी क्षेत्रबाट रामग्राम स्थित ओम चिउरा उद्योगलाई सम्मान गरीएको हो । रूपन्देहीको मणिग्राममा दुबै कार्यालयले संयुक्त कार्यक्रम आयोजना गरी उत्कृष्ट करदातालाई दोसल्ला ओढ्याई सम्मान पत्रबाट सम्मान गरेका हुन् । उनीहरूलाई रूपन्देहीका प्रमुख जिल्ला अधिकारी उदय बहादुर राना, प्रदेश नम्वर ५ को आर्थिक मामिला मन्त्रालयका सचिव स्थानेश्वर गौतम, नेपाल उद्योग वाणिज्य महासंघका प्रदेश अध्यक्ष गुणनिधि तिवारी, आन्तरीक राजश्व कार्यालय भैैैरहवाका प्रमुख देबि प्रसाद भण्डारी र बुटवल प्रमुख अर्जुन ढकालले सम्मान गरेका थिए ।
सोही कार्यक्रममा कर सप्ताहका अवसरमा बुटवल कार्यालयले आयोजना गरेको निबन्ध लेखन र भैरहवा कार्यालयले आयोजना गरेको बक्तृत्वकला प्रतियोगिताका उत्कृष्ट बिद्यार्थीहरूलाई पुरस्कृत गरीएको थियो । निबन्धमा क्यानन माबिका बिक्रम भण्डारी प्रथम, मणिमुकुन्द माबिका अस्मिता पौडेल द्धितिय र एम्स कलेजका बिनु भाट क्षेत्री तृतीय तथा बक्तृत्वकलामा लिलाराम माबिका महिमा बस्नेत प्रथम, रूपन्देही क्याम्पसका देवपाल उपााध्याय द्वितीय र बृहस्पती कलेजका रञ्जना अर्याल तृतीय भएका थिए । प्रथमलाई १० हजार रूपैया, द्धितीय हुनेलाई ७ हजार र तृतिय हुनेलाई ५ हजार रूपैयाँ सहित पुरस्कृत गरीएको थियो ।
कर सप्ताह समापनका अवसरमा बोल्ने बक्ताहरूले करदाताले थाहै नपाई कर तिर्ने वातावरण श्रृजना गर्नुपर्ने र तिरेको कर सहित ठाउमा प्रयोग भएको छ भन्ने प्रत्याभूति आफुहरूले पाउनु पर्ने बताएका थिए । त्यस्तै कर्मचारीहरूले सकेसम्म व्यवहारीक बैज्ञानिक कर लगाएर व्यवसायीलाई कारोवार गर्ने वातावरण बनाउँदै गएको बताएका थिए ।
कार्यक्रममा बोल्दै रूपन्देहीका प्रमुख जिल्ला अधिकारी उदय बहादुर रानाले कुनै पनि सामान किन्दा बिल लिने र बिक्रि गर्दा बिल दिने सस्कारको बिकास गरेर सबै कारोवारलाई बैध बनाउन सके करको दायरा बढन सक्ने बताए । आर्थिक मामिला मन्त्रालयका सचिव थानेश्वर गौतमले प्रदेश सरकारको गठन पश्चात सबैतिर करको हौवा फैलाईए पनि प्रदेशले कर लगाउने भन्दा पनि नीति बनाउने काम गरीरहेको बताए ।
नेपाल उद्योग वाणिज्य महासंघका प्रदेश अध्यक्ष गुणनिधि तिवारीले करदातालाई उसले तिरेको करको आधारमा उसलाई समस्या पर्दा वा कारोवार गर्न नसक्ने भएपछी उचित सुबिधाको ग्यारेण्टी राज्यले गर्न सके करको दायरामा धेरै नागरीक आउने बताए । बरिष्ठ चार्टड एकाउटेण्ट शिवहरी शर्माले करमैत्री वातावरण भन्दा आर्थिक अराजकता बढीरहेको दाबी गर्दै आफनो आर्थिक हैसियत भन्दा बढीकोगाडी चढने, घर बनाउने वा अन्य खर्च गर्ने उद्योगि र कर्मचारीहरूलाई सरकारले कडाई गर्नुपर्ने बताए । कार्यक्रममा बुटवल उद्योग वाणिज्य संघका अध्यक्ष खिम बहादुर हमाल, रूपन्देही उद्योग संघका अध्यक्ष गणेश अधिकारी, सिद्धार्थ उद्योग वाणिज्य संघका अध्यक्ष कुल प्रसाद न्यौपाने, तिलोत्तमा व्यापार संघका अध्यक्ष जेपी कडेल, नवलपरासी उद्योग वाणिज्य संघका अध्यक्ष केशव भण्डारी, नेपाल कम्युनिटी डेभलपमेण्ट बैकका अध्यक्ष पशुपति घिमिरे, जन उत्थान बचत तथा ऋण सहकारी सस्थाका अध्यक्ष ज्ञानु पौडेल, आन्तरीक राजश्व कार्यालय भैरहवाका प्रमुख देबि प्रसाद भण्डारी, बुटवल प्रमुख अर्जन ढकाल, अधिकृत हिमाल गौतमले अहिलेको कर प्रणाली र सुधार गर्नुपर्ने उपायका सम्वन्धमा धारणा राखेका थिए ।