खोज

तिलोत्तमा व्यापार संगठनको मुख्य आयोजनामा बिहीबारदेखि मणिग्राममा तिलोत्तमा औद्योगिक व्यापार मेला कृषि तथा पर्यटन महोत्सव हुँदै छ । व्यापार मेलाको प्रदेश नं ५का मुख्यमन्त्रि शंकर पोखरेल गर्ने कार्यक्रम तय भएको आयोजकले जनाएका छन ।
तिलोत्तमामा हुन लागेको तेस्रो व्यापार मेला हो । यसअघि २०७३ सालमा तिलोत्तमा उद्योग बाणिज्य संघ र गतवर्ष तिलोत्तमा व्यापार संघले मेलाको आयोजना गरेका थिए । मेलाको सम्पूर्ण तयारी पूरा भएको आयोजकले जानकारी दिएका छन् ।
मेलाको तयारी बारे जानकारी दिन बुधबार मेलास्थलमा आयोजित पत्रकार सम्मेलनमा संगठनका अध्यक्ष सत्यव्रत ज्ञवालीले मेलामा साढे तीन सय स्टल रहने र अरू तयारीका काम सकिएको जानकारी दिए । कुल स्टल मध्ये उद्योगका १२५, व्यापारतर्फ १ सय ८०, कृषिका ४०, पर्यटनका ३५ र अटोका २० वटा स्टल रहने छन् । तीन लाख दर्शकले अवलोकन गर्ने र २० करोडको आर्थिक कारोबार गर्ने लक्ष्य राखिएको अध्यक्ष ज्ञवालीले बताए । नेपाल राष्ट्रिय उद्योग व्यापार संगठन रूपन्देहीको आयोजना एवं तिलोत्तमा व्यापार संघ, तिलोत्तमा उद्योग वाणिज्य संघ र तिलोत्तमा नगरपालिकाको सहआयोजनामा सुरु हुने मेला तथा महोत्सवको स्टल निर्माण, स्वागतद्वार निर्माण, मञ्च निर्माण तथा सजावटका सबै काम सम्पन्न भएको उनले जानकारी दिए ।
मेलाको प्रदेश सरकारका मुख्यमन्त्री शंकर पोखरेलले उद्घाटन गर्ने कार्यक्रम रहेको छ । मंसिर १८ गतेसम्म चल्ने मेलाका अवसरमा बिभिन्न प्रतियोगिता र अन्तत्र्रिmयाका कार्यक्रमहरू राखिएको संगठनका रूपन्देही जिल्ला अध्यक्ष नारायण भण्डारीले बताए ।
यसपटकको मेलामा पर्यटकीय क्षेत्रको रूपमा सरकारद्वारा सुचीकृत रिडी, रुरु क्षेत्र, कालीगण्डकी, रिडी खोला, पाल्पा, गुल्मी र स्याङ्जा जिल्लाको संगमस्थल र रानीमहलको झलक मुख्य आकर्षणको रूपमा रहने आयोजकले जानकारी दिएका छन् ।
त्यस्तै मेलामा भलिबल, कुस्ती, अन्तर्राष्ट्रिय कराँते प्रतियोगिता, डान्सिङ आइडल, विद्यालय कलेजको विज्ञान तथा प्रविधि प्रदर्शन समेत गरिने मेला मूल आयोजक समितिका संयोजक सत्यव्रत ज्ञवालीले बताए । मेलामा बालबालिकाका लागि बाल उद्यान, होमस्टेलगायत विभिन्न कार्यक्रम आयोजना गरिने भएको छ । तिलोत्तमा व्यापार संघका अध्यक्ष झविन्द्र कंडेलले मेलालाई नयाँपन दिन प्रयास गरिएको बताए । पत्रकार सम्मेलनमा संगठनका महासचिव अनिल ज्ञवाली लगायतले मेला सफल पार्न सबै क्षेत्रको सहयोग अपरिहार्य रहेको बताएका थिए ।