खोज

राष्ट्रिय कर दिवस बिभिन्न कार्यक्रम गरी मनाइएको छ । काठमाडौंमा आन्तरिक राजश्व बिभाग र बाहिर आन्तरीक राजश्व कार्यालय भएका प्रमुख शहरहरूमा प्रभातफेरि सहित बिभिन्न कार्यक्रम गरी कर दिवश मनाइएको हो ।
बुटवलमा आन्तरीक राजश्व कार्यालयको संयोजनमा बुटवल उद्योग वाणिज्य संघ, रूपन्देही उद्योग संघ, रूपन्देही व्यापार संघ, उद्योग व्यापार संघ बुटवल, तिलोत्तमा उद्योग वाणिज्य संघ, तिलोत्तमा व्यापार संघ, होटल तथा रेष्टुरेष्ट व्यवसायी संघ, अडिटर एशोसिएन लगायतका संस्थाहरूको सहभागितामा प्रभातफेरि निकालिएको थियो । कार्यालय परिसरबाट सुरु भएको प्रभातफेरी अस्पताल लाइन, बीपी पथ, अमरपथ, राममन्दिरलाइन, पाल्पा रोड, ट्राफिक चोक हँुदै पुन कार्यालय परिसरमा आई समापन भएको थियो । समापनका अवसरमा सहभागीहरूलाई धन्यवाद व्यक्त गर्दै कार्यालयका प्रमुख कर अधिकृत अर्जुन ढकालले बुटवलका व्यवसायीहरूबाट कार्यालयले राम्रो सहयोग पाएको र प्रत्येक वर्ष अपेक्षा गरेभन्दा बढी राजश्व संकलन हुने गरेको बताए । दिवसका अवसरमा आन्तरीक राजश्व कार्यालय भैरहवाको संयोजनमा भैरहवामा, आन्तरिक राजश्व कार्यालय कृष्णनगरको संयोजनमा कृष्णनगरमा, आन्तरिक राजश्व कार्यालय दा·को संयोजनमा दा· र आन्तरिक राजश्व कार्यालय नेपालगञ्जको संयोजनमा नेपालगञ्जमा प्रभातभेरी निकालिएको थियो ।
दिवसका अवसरमा काठमाडौंमा आन्तरिक राजस्व विभागले सबैभन्दा बढी कर तिर्ने १५ व्यवसायी तथा प्रतिष्ठानलाई सम्मान गरेको छ । यो वर्ष पनि व्यक्तिगत आयकरबाट सबैभन्दा बढी कर तिर्नेमा सिद्धार्थ शमशेर जबरा, सबैभन्दा बढी आयकर तिर्ने कम्पनीको रूपमा सूर्य नेपाल प्रालि, निर्यातकर्तामध्ये सबैभन्दा बढी कर तिर्ने कम्पनीका रूपमा डाबर नेपाल प्रालिलाई सम्मान गरेको छ । सबैभन्दा बढी कर तिर्नेहरू सबैभन्दा धेरै आयकर सूर्य नेपाल प्रालि निर्यातकर्तामध्ये सबैभन्दा बढी कर तिर्नेमा डाबर नेपाल, उद्योग क्षेत्रमा सबैभन्दा बढी आयकर तिर्नेमा हिमाल पावर कम्पनी, कृषि तथा पशु उद्योगमा प्रोआयोटिक कम्पनी, सहकारी लघुवित्तमा छिमेकी लघुवित्त कम्पनी, बैंक वित्त संस्थामा नबिल बैंक, बिमा कम्पनीमा नेपाल पुर्नबीमा कम्पनी, स्वास्थ्य तथा शिक्षामा नोबेल मेडिकल कलेज, सूचना प्रविधिमा एफ वान सफ्ट कम्पनी, पर्यटन क्षेत्र तारागाउँ होट रिजेन्सी, व्यापार व्यवसायमा सिप्रदी ट्रेडिङ कम्पनी, ४० करोड कारोबारमा नेपाल इन्भेष्टमेन्ट प्रालि, ४० करोडदेखि ८० सम्म कारोबारमा नेपाल स्टक एक्स्चेन्ज व्यक्तिगत आयकरमा सिद्धार्थ शमशेर मूअक समयमै बुझाउने र धेरै तिर्नेमा घोराइ सिमेन्ट रहेका छन् ।
यसैबीच आन्तरिक राजश्व कार्यालय बुटवलले कर दिवस तथा कर सप्ताहका अवसरमा साताव्यापी कार्यक्रम तय गरको छ । कार्यालयले आइतवार कार्यालय परिसरमा रक्तदान, सोमबार बुटवल उद्योग वाणिज्य संघमा कर बिषयमा अन्तक्र्रिया तथा छलफल, मंगलवार तिलोत्तमा व्यापार संघको सहकार्यमा मणिग्राममा, बुधवार हिलपार्क स्थित अनाथालयमा आश्रित व्यक्तिहरूलाई शैक्षिक तथा खाद्य सामग्री बितरण, बिहीवार कार्यालय परिसरमा स्थानीय माध्यमिक बिद्यालय तथा स्नातक तहमा अध्ययनरत बिद्यार्थीहरूको सहभागितामा कर समृद्ध नेपाल, सुखि नेपालीको भर शिर्षकमा खुल्ला निवन्ध लेखन प्रतियोगिता र शुक्रवार मणिग्राममा यस क्षेत्रका उत्कृष्ट करदाता र उत्कृष्ट कर्मचारीलाई सम्मान गर्दै समापन गर्ने कार्यक्रम रहेको कार्यालयका अधिकृत हिमाल गौतमले जानकारी दिए ।
भैरहवामा पनि ¥याली
यसैबीच आन्तरिक राजश्व कार्यालय, भैरहवाले आफ्नो कार्यक्षेत्र अन्तर्गतका विभिन्न ठाउँमा सप्ताहव्यापी कार्यक्रम गरि मनाउँदै छ ।
सप्ताहको पहिलो दिन शनिबार उद्योगी–व्यवसायी, कर्मचारी, नागरिक समाज, संघसंस्थाको सहभागितामा कर सम्बन्धी जनचेतनामूलक प्लेकार्डसहितको ¥यालीको आयोजना गरिएको थियो । आन्तरिक राजस्व कार्यालयबाट शुरु गरिएको ¥याली पुनः कार्यालमै आई कार्यक्रममा परिणत भएको थियो । प्रमुख कर अधिकृत देवीप्रसाद भण्डारीले मुलुकलाई समृद्ध बनाउन विकास जरुरी रहेको बताए । उनले विकास गर्न पूँजीको आवश्यकता हुने औल्याउँदै पूँजी जुटाउन आमनागरिकले गर्ने व्यवसायबाट तिर्नेे राजश्व संकलन नै भएको बताउँदै सबैलाई कर तिर्ने भावनाको अभिबृद्धि गर्न कर सप्ताह आयोजना गर्न लागिएको जनाए । ‘सरकारले अघिसारेको समृद्ध नेपाल, सुखी नेपाली अभियानलाई सार्थक पार्न पनि कर प्रशासनलाई प्रभावकारी बनाउँदै लगिरहेका छौं’, उनले भने à