खोज

बुटवल,१० फागुन । खाना पकाउने ग्यास सिलिण्डर लिक भएर शरीर जलेर उपचाररत नेपाली कांग्रेसका नेता डा. चन्द्र भण्डारी बोल्न सक्ने भएका छन् । भारत मुम्बईको नेशनल बर्न सेन्टरमा उपचाररत भण्डारी मंगलबारदेखि बोल्न थालेको भण्डारीका सहयोगी योगराज कंडेलले जानकारी दिएका हुन् । मंगलबार राति साढे १० बजे फेसबुक स्टाटस लेख्दै कंडेलले अब भण्डारी छिटै निको हुने उल्लेख गरेका छन् ।

बुधबार बिहान १०.३० बजेसम्ममा आइपुग्दा भेन्टिलेटर हटाएर नर्मल मास्कबाट न्यून रुपमा अक्सिजन दिइएको छ ।
मुखबाट खाना खुवाउन थालिएको छ ।
दोहोरो संवाद र उपचारबारे आफैंले जानकारी लिन थालेका छन् । हल्का ईन्फेक्सनको उपचार भइरहेको तर ज्वरो नआएको तर उच्च ईन्फेक्सनबाट जोगाउन भेटघाट गर्न नदिएको र अन्य स्वास्थ्य प्यारामिटर नर्मल रहेको छ ।

कंडेलको स्टाटस जस्ताको तस्तै :

अपडेट नं – १७
मितिः ०९ फाल्गुन २०७९
समयः १०ः३० बजे राति
काउन्सिलिंग स्थानः आईबिसियू, ग्राउण्ड तला, नेशनल बर्नस् सेन्टर, नबी मम्बई, महाराष्ट्र, भारत
काउन्सिलिंग विवरण
डा. अमोल मात्रेज्यू संगको काउसिलिंगका आधारमा प्राप्त जानकारी निम्न रहेको छ ।
– आज राती ५ लिटर अक्सीजनमा मात्र राखिने भनेता पनि हाल प्रेसर मास्कमा ८ लिटरमै राखिएको ।
– एण्टीवायोटिक थप पश्चात इन्फेक्सनको मात्रा कम हुँदै गएको ।
– पारामिटरहरु नर्मल रहेको ।
– ज्वरो छैन –यो बेला ज्वरो आउनु हुँदैन आएमा राम्रो हुँदैन भन्दै थिए ।
– अवको काम भनेको इन्फेक्सनवाट बचाउने मात्र हो भन्दै थिए डाक्टर साव ।
म डाक्टरसंग परामर्श लिई रहँदा मेरो आवाज सुनेर योगराज यता आउ भनि चिच्चाई राख्नु भएको थियो । यहाँ मसंग आएर बस मेरो मास्क हटाउन लगाउ, हात खुट्टाको पट्टी हटाउन लगाउ भन्दै हुनु हुन्थ्यो । नर्सहरुले सोधे के भनेको हो मैले भने सवै हटाउन भन्नु हुन्छ भने पछि केही समयका लागि प्रेसर मास्क हटाई दिए नर्सहरुले । मैले सोधे किन आज यस्तो वहाँमा छटपटाहट छ त भन्दा डाक्टरले भन्नु भयो आज डे«सिंग चेन्ज गरेको कारण उहाँलाई दुखि रहेको छ सधै पेन किलर नदिने भनेर आज दिएका छैनौं भन्दै थिए ।
चिन्ता गर्नु पर्ने कुनै विषय छैन तर घाउहरु निको हुन समय लाग्छ । सवै ठिक छ, आँखाहरु टाठा छन् साथै छिटो सञ्चो हुने आत्मवल देखिन्छ ।

अस्पताल परिसर,
एैरोली, नवी मुम्बई, भारतबाट
योगराज कंडेल
सम्पर्क नं ९१–९८२०३७४६१७
९७७– ९८५१०२९३३३ व्हाट्एप, भाइवरका लागि