खोज

बुटवल,२ फागुन ।   नेकपा एमालेनिकट विद्यार्थी संगठन अनेरास्ववियुको २३ औं राष्ट्रिय महाधिवेशन काठमाडौंमा शुरु भएको छ । पार्टी एकता र विभाजनका कारण ७ वर्षपछि आयोजित महाधिवेशन एमाले अध्यक्ष केपी शर्मा ओलीले उद्घाटन गर्दै छन् । महाधिवेशनले नयाँ नेतृत्व चयन गर्नेछ । एमाले केन्द्रीय सदस्य तथा अखिल इन्चार्ज माधव ढुंगेलका अनुसार अध्यक्षमा सर्वसम्मतिको प्रयास जारी छ ।

विशेषगरी बरिष्ठ उपाध्यक्ष आरसी लामिछाने र महासचिव समिक बडालबीच सहमति कायम हुन सके अध्यक्षलगायत मुख्य पदमा चुनाव नहुने बताइएको छ । तर अध्यक्षमा सहमतिको सम्भावना नभएकाले अधिकांश पदमा चुनाव हुने देखिएको छ ।

प्यानल बनाउँन नदिई व्यक्तिगत प्रतिस्पर्धा गर्न दिने र पार्टीको तर्फबाट कोही पनि आधिकारिक उम्मेदवार नहुने समन्वय संयन्त्रकी सहइन्चार्ज रचना खड्काले बताएकी छन् । अखिलमा हुने चुनावले अन्य जनसंगठनहरुलाई पनि सहज हुने नेताहरुको भनाइ छ ।

सहमति नभएको अवस्थामा अध्यक्ष पदमा अहिलेका उपाध्यक्षमध्ये मोति विक,वाङ्छु र झपिन्द्र खत्रीले पनि सशक्त दाबी गरेका छन् । अनेरास्ववियुको उपाध्यक्षमा यसपटक हालका कोषाध्यक्ष जेनिश लामासहित मर्यादा विष्ट, तपेन्द्र शाही, एलबी सिंह, डम्बर अधिकारी, रामशरण चौधरीलगायतले दावी गरेका छन् ।

कोषाध्यक्षमा सुजन कार्कीलगायतले उम्मेदवारी घोषणा गरेका छन् । १० सचिवका लागि ७० भन्दा बढी उम्मेदवार भएका छन् ।

हालसम्म प्रकाश पौडेल, जिबी गजल, शालिकराम पराजुली, नवराज ढकाल, सजिना थामा मगर, रक्षा बम, स्वरुप सुयल, अन्जु पाण्डे, अन्जना शिवाकोटी, सरोज पोखरेल, सन्तोष राना, घनश्याम भुन, नविन योगी, प्रेम खड्का, पंकज भण्डारी, नरेन्द्र न्यौपाने, वीरेन्द्र रावल, सन्जिव धिताल, आरती भट्टराई, बिनिता काफ्लेले उम्मेदवारी घोषणा गरिसकेका छन् ।

त्यस्तै रिता ढकाल, मदन विष्ट, हिरा चौलागाई, आशिर्वाद सुवेदी, रोमश खतिवडा, दिपेश प्रसाई, प्रकाश भुजेल, सागर भट्ट, ओमप्रकाश घिमिरे, जयराम बास्तोला, राजेन्द्र गजुरेल, गोविन्द थपलिया, सौगात कार्की, मनोज राई, कल्पना पाल, टुकलाल गैरे, विनोद भट्टराई, प्रकाश भट्ट, सन्तोष पौडेल, आरपी यादव, एकराज दाहाल, प्रकाश श्रेष्ठ, गोकर्ण घिमिरे, मनोज ताम्ली, निता घतानी, मोहित साह पनि सचिवका उम्मेदवार हुन् ।

अखिल सचिवका लागि उज्ज्वल कार्की, अन्जु गौतम, रविन्द्र सुवेदी, अशेष गोइत, नम्रता महर्जन, समुनराज कार्की, सुन्दर खड्का, विनायक आचार्य, रुपक खनाल, सुन्दर घिमिरे, भुषण सुवेदी, सन्तोष पौडेल, प्रज्वल फुयाल, विभा प्याकुरेल, किरण सापकोटाले पनि उम्मेदवारी घोषणा गरेका छन् ।

अनेरास्ववियुको महाधिवेशन उद्घाटनलगत्तै अध्यक्ष मण्डलको घोषणा हुने कार्यक्रम छ ।

जनसंगठन समन्वय संयन्त्रका प्रमुख भानुभक्त ढकालको नेतृत्वमा गठन हुने अध्यक्ष मण्डलमा इन्चार्ज माधव ढुंगेलसहित उनीपछिका अखिल अध्यक्षहरु किशोरविक्रम मल्ल, नविना लामा, ऐन महरसहित पूर्व इन्चार्जहरु रहने बताइएको छ ।

अध्यक्ष मण्डलले निर्वाचन प्रक्रिया सन्चालनका लागि पार्टीको निर्वाचन आयोगलाई जिम्मा दिएको छ । निर्वाचन आयोगका सदस्य कुमार खकुरेलको नेतृत्वमा निर्वाचनको प्रक्रिया अघि बढ्ने इन्चार्ज ढुंगेलले बताए । यसपटक अखिलमा चुनावबाटै नेतृत्व चयन हुने उनले बताए ।

निर्वाचन आयोगले महाधिवेशन प्रतिनिधिहरुको अन्तिम नामावली प्रकाशन गरेर विद्युतीय भोटिङ मेसिनमार्फत चुनाव गराउँनेछ ।

आजै बेलुकासम्म सबै काम सकेर बुधवार दिनभर मनोनयन प्रक्रिया थालिने र सोही साँझ अन्तिम नामावली प्रकाशन गरेर विहीवार मतदान हुने बताइएको छ ।
अनेरास्ववियुको यो महाधिवेशनले १७ पदाधिकारीसहित १९९ सदस्यीय केन्द्रीय कमिटी चयन गर्नेछ ।