खोज

सल्यान सिमखर्कको आफ्नै घरको कोठामा मृत फेला परेकी केवली नेपालीलाई सोही ठाउँ निवासी राजु भनेर चिनिने बिर बहादुर बस्नेतले हत्या गरेको खुल्न आएको छ । जिल्ला प्रहरी कार्यालय सल्यानले विहिबार पत्रकार सम्मलेन गरी हत्याको रहस्य सार्वजनिक गरेको हो । घटना गत असोज २५ गतेको हो । उक्त दिन बिहान करिब दुई बजेतिर शारदा नगरपालिका वडा नम्बर ८ सिमखर्क बस्ने ५० वर्षिय केवली नेपाली आफ्नै घरको कोठामा सुतीरहेकी थिइन् । उनी घरमा एक्लै बस्थीन् । उनी भर्खरै भारतबाट आएकाले सोहि ठाउँ बस्ने १९ वर्षिय बिर बहादुर बस्नेतलाई केवलीसँग भारतमा कमाएको पैसा छ भन्ने लाग्यो । र मनमनै बिर बहादुरले केवलीको पैसा चोर्ने योजना बन्यो । यहि पैसा चोर्ने विषयबाट शुरु भएको घटना यौन सम्बन्ध देखि हत्यासम्म पुग्यो ।
जिल्ला प्रहरी प्रमुख प्रहरी नायव उपरिक्षक बिरेन्द्र बहादुर शाही भन्छन्, ‘हामीलाई असोज २५ गते बिहान ८ बजेतिर घटनाको सूचना आयो र त्यसपछि हामीले अनुसन्धान अगाडि बढाएका थियौँ ।’ प्रहरी समक्ष हत्या आरोपी बिर बहादुरले डोरिले घाँटी कसी धारिलो चक्कुले घाँटी रेटेर हत्या गरेको स्वीकार गरेका छन् ।
‘उनको छोराले मलाइ कुट्छ भनेर हत्या गरेँ’
पैसा चोर्न केवलीको घरमा पुगेका बिर बहादुरले एक हातले चक्कु र अर्काे हातले केवलीको घाँटी समातेर पैसा देउ भनी धम्काएका थिए । केवलीले म संग पैसा छैन छिमेकी राम बहादुर ओलीको घरमा राख्न दिएकी छु भनिन् । बिर बहादुरले प्रहरी संगको बयानमा अगाडी भने, ‘त्यसपछि उनले मेरो हातको चक्कु खोसेर आफ्नो विस्तारामुनि राखिन् । यस्तो किन गर्छस् भोलि दिउला तलाइ पैसा भनेर सम्झाइन् ।’ केवलीले बिर बहादुरलाइ आज यतै सुत समेत भनिन् । ज्यान जोगाउनका लागि उनले अनेक उपाय खोजिन् । घाट मुनी रहेको रक्सी समेत पैसा चोर्न आएको बिर बहादुरलाइ खुवाइन् । र आफूले पनि सँगै खाइन् ।
ज्यान लिन आँटेको बिर बहादुरसँग केवलीले दुई पटक यौन सम्पर्क समेत गर्नुपर्याे । ‘त्यसपछि खाट मुनिबाट निकालेको आधा बोतल रक्सी खाएर हामी संगै सुत्यौँ,’ बिर बहादुरले भने । सुतेको बेला राती कोठामा रहेको खोपाबाट ढुंगा खसेर भुइमा रहेको टिनमा लागेको र उक्त ढुंगा केवलीले ब्लायंकेट मुनी राखेर विस्तारामा पल्टेको प्रहरीसंगको बयानमा हत्या आरोपी बिर बहादुरले बताएका छन् ।
केवलीको छोरा कमाइका लागी भारतमा रहेकाले यो कुरा छोरालाइ केवलीले भनेमा उसले आफुलाइ कुटपीट गर्छ भन्ने सोँची हत्या गरेको उनले बयान दिएका छन् । बिर बहादुरले बयानमा भनेका छन्, ‘केवली नेपालीलाई भित्तामा झुण्ड्याएको कालो डोरीको टुक्रा काटी सोही डोरीले घाँटीमा केही बेर अड्याई राखे पछी उनी भुईमा उत्तानो परिन । घ्याक घ्याक गर्दै थिईन । मैले चक्कुले एकपटक घाँटी रेटी मारेको हुं ।’ घटना पश्चात डीएसपी शाहीको कमाण्डमा प्रहरी टोलिले घटनास्थलमा खटेर शुक्ष्म रूपले अनुसन्धान अघी बढाएको थियो । कुकुर सहितको अनुसन्धान टोलिको सहयोगमा राजु भनेर चिनिने बिर बहादुरले हत्या गरेको खुल्न आएको शाहीले जानकारी गराएका छन् ।