खोज

जिल्ला प्रशासन कार्यालय गुल्मीले बजार अनुगमनको क्रममा ३ लाख ५० हजार मुल्य बराबरका म्याद नाघेका खाद्य सामग्रिहरू बरामद गरेको छ । कतिपय व्यापारीहरूले बजारमा म्याद नाघेका खाद्य सामग्रिहरू उपभोक्ताहरूलाई लुकाई छिपाई बिक्री वितरण गरेको भन्ने गुनासो आएपछि जिल्ला प्रशासन कार्यालयले गोप्य रूपमा गरेको बजार अनुगमनको क्रममा उक्त सामग्रिहरू बरामद गरिएको प्रमुख जिल्ला अधिकारी यदुनाथ पौडेलले बताए ।
प्रशासन कार्यालयले जिल्ला सदरमुकाम तम्घास, गौडाकोट, लुम्छा, बलेटक्सार, रिडी लगायतका आधादर्जन बजार क्षेत्रका १ सय ६९ वटा पसलहरूमा गरेको अनुगमनवाट उक्त सामग्रिहरू बरामद गरिएको हो । यसरी वरामद गरिएका सामग्रिहरूलाई नष्ट नगराउनु अघि प्रमुख जिल्ला अधिकारी पौडेलले कार्यालयमा सरोकारवाला संघसंस्थाका प्रमुख तथा प्रतिनिधिहरूसँग अन्तक्र्रिया गरि अनुगमनको क्रममा बरामद गरिएका सामग्रि, व्यवसाय संचालक र बजारमा देखिएका समस्याका वारेमा जानकारी गराएका थिए ।
उनलेधेरै जसो व्यापारीहरूले पसलमा मुल्य सूचि नटाँग्ने, लेवल नलगाएका सामग्रिहरू विक्रि वितरणका लागि राख्ने, व्यवसाय दर्ता नगरि पसल संचालन गर्ने, ग्राहकलाई स्टीमेट वील दिने, करदर्ता प्रमाणपत्र नराख्ने र सरसफाईको अवस्था अत्यन्तै कमजोर जस्ता समस्याले व्यापारिहरूले जे गरेपनि हुन्छ भन्ने मान्यताको विकासले उपभोक्ताहरू ठूलो मारमा परेको बताए ।
प्रशासन कार्यालयले गरेको पसल अनुगमनको क्रममा सवै भन्दा बढी रुरु गाउँपालीका अन्तर्गत बलेटक्सारको कपिल स्टोर्सवाट १२ सय वोतल म्याद नाघेका पेय पदार्थ बरामद गरेको थियो । अनुगमनको क्रममा एउटै पसलवाट ठूलो परिणाममा एक लाख मुल्य बरावरको सामग्रि बरामद गरिएको जिल्ला प्रशासन कार्यालय गुल्मीका प्रशासकीय अधिकृत लक्ष्मण पाण्डेले बताएका छन् । म्याद नाघेका खाद्य सामग्रिहरू वितरण गर्ने ५० वटा पसल संचालकहरूलाई जिल्ला प्रशासन कार्यालयले स्पष्टी करण सोध्ने भएको छ ।
बरामद गरिएका सामग्रिहरूमा सवै भन्दा बढी ७ सय लिटर पेय पदार्थहरू रहेका छन् । अन्य सामग्रिहरूमा चिउरा, चाउचाउ, विस्कुट, दालमोट, हर्लेक्स, चक्लेट, मसला, घ्यू, दाल, तेल, लगायतदर्जनौ सामग्रिहरू रहेका छन् । बरामद गरिएका एक ट्रक सामग्रिहरूलाई कार्यालयले संचारकर्मि र नागरिक समाजको रोहवरमा आगो लगाई नष्ट गरेको छ । गुल्मी उद्योग वाणिज्य संघले भने प्रशासन कार्यालयले छापामार शैलीमा बजार अनुगमन गरेर व्यापारीहरूलाई त्रसाउने काम गरेको आरोप लगाएको छ । गुल्मी उद्योग वाणिज्य संघका अध्यक्ष दुर्गा प्रसाद पाण्डेले अनुगमनको क्रममा उद्योग वाणिज्य संघको प्रतिनिधिलाई समेत सहभागि गराएर अनुगमन गरेको भए राम्रो हुने भन्दै यसरी अनुगमन समितिको सदश्य रहेको संस्थाको प्रतिनिधि नहुँदा व्यापारिहरू अलि आत्तिएको गुनासो आएको बताए ।
जिल्ला प्रशासन कार्यालय गुल्मीले गत दुई वर्षको अवधिपछि मात्र बजार अनुगमन शुरु गरेको हो । यसलाई नियमितता दिन उद्योग वाणिज्य संघ, संचारकर्मि एवं नागरिक समाजका प्रतिनिधिहरूले प्रशासन कार्यालयलाई सुझाव दिएका थिए । 

जितपुरमा बजार अनुगमन
जितपुर (कपिलवस्तु) २५ असोज– बाणगंगा नगरपालिकाले चार नं. जितपुर बजार क्षेत्रको अनुगमन गरेको छ । चाड पर्व नजिकिएसँगै नगरपालिकाभित्र पर्ने मुख्य बजार क्षेत्रमा नगरपालिकाले बजार अनुगमन गरेको हो ।
जितपुर बजारमा रहेको पसलहरूमध्ये करिव एक सय बढि पसलहरूमा अनुगमन गरेको नगरपालिकाले जनाएको छ । अनुगमन गरेका मध्य केही मासुपसल ब्यवस्थित रूपमा सञ्चालन नगरेको पाउनुका साथै अधिकांश पसलहरूमा मुल्यसुची नराखेको पाइएको बाणगंगा नगरपालिकाका कार्यकारी अधिकृत तुल्सीराम मरासिनीले जानकारी दिए ।
अनुगमन गरेका पसलहरूमध्ये केहीमा डिजिटल काटाको प्रयोग गर्नुपर्ने, अनिवार्य रूपमा मुल्यसुची राख्नु पर्ने निर्देशन दिइएको बाणगंगा नगरपालिकाका उपमेयर चक्र अर्यालले बताए । चाडपर्व नजिकिएसँगै उपभोतmा नठग्गीउन भन्नका लागी अनुगमन गरिएको बाणगंगा नगरपालिकाका प्रवतmा बिष्णु पौडेलले बताए । हरेक पसललाई नगरपालिकामा दर्ता गरी ब्यवसाय सञ्चालन गर्न, मूल्यसुची राख्न, ब्यवसायीक पसलको बोर्ड राख्न, डिजिटल काटाको प्रयोग गर्न, मिठाई पसल तथा होटेलहरूले छुट्टै कोठामा भान्साको प्रयोग गरी सफा राख्नु अनुरोध गरिएको बाणगंगा नगरपालिकाका वडा नं. ४ का वडा अध्यक्ष गणेश बहादुरर क्षेत्रीले ताए । बिकासमा तिव्रता लिएको जितपुर चार नं. को बजारलाई ब्यवस्थित बनाउन वडाले बिशेष पहल गर्ने वडा अध्यक्ष गणेश क्षेत्रीले बताए ।