खोज

बुटवल पुस ।- पाल्पा जिल्लाको तानसेनमा प्रधानकार्यालय भई गुल्मी जिल्लाको पुर्तिघाट, रुपन्देहीको बुटवलमा शाखा कार्यालय रहेको कुसुम बहुउदेश्य सहकारी संस्थाको प्रथम साधारण सभा बुटवल र पाल्पामा एकै साथ भएको छ । बुटवलमा आयोजना गरिएको साधारणसभामा बोल्दै प्रदेश सभा सदस्य चिन्तामणि पाण्डेले कृषि क्षेत्रमा सहकारीले लगानी बढाउनुपर्ने बताए । उनले सहकारीले बचत तथा ऋणको मात्रै काम गर्न नहुने भन्दै उनले अव,उत्पादनशिल क्षेत्रमा समेत लाग्नुपर्ने बताएका थिए । पहिलो बर्षमा नै सहकारीले राम्रो प्रगति गरेको भन्दै उनले अनुत्पादक क्षेत्रमा लगानी सहकारीले गर्न नहुने बताए । उनले पछिल्लो समयमा विना धितो सञ्चालकहरुले अनुत्पादक क्षेत्रमा लगनाी गर्ने गरेको कारण समस्या आएको बताउँदै त्यो काम यो सहकारीले गर्न नहुने बताएका थिए ।

होटल व्यवसायी महासंघका केन्द्रीय निर्वतमान अध्यक्ष तथा सहकारीका सल्लाहकार हिराध्वज शाह ले सहकारीमा बचतकर्ताको लगानी सुरक्षित हुनुपर्ने भन्दै उनले ससानो पुँजीबाट स्थापना भएको सहकारीले पुँजी एकिकृत गरी परियोजना सञ्चालन गरी गरिबी निवारण तथा रोजगारी प्रव्रद्र्धनको क्षेत्रमा लगानी गर्नुपर्ने बताएका थिए ।

कार्यक्रममा संस्था उपाध्यक्ष जगतशेखर ढकालले अध्यक्षको प्रतिवेदन प्रस्तुत गर्दे निकट भविश्यमा सहकारीले कृषि परियोजना मार्फत लगानी बढाउने बताएका थिए । यस्तै कार्यक्रममा संस्थाका सचिव बुद्धिसागर शर्मा, कोषाध्यक्ष रेशमराज सुवेदी लगायतले आ आफ्नो मत्व्य राखेका थिए । कार्यक्रममा नेपाल पत्रकार महासंघ रुपन्देहीका उपाध्यक्ष विश्वास ढकाल, सञ्चालक परशुराम ढकाल, व्यवस्थापक विजय ढकाल लगायतले शुभकामना मन्तवय राखेका थिए । सहकारीको ४ करोड २८ लाख १९ हजार कुल पुँजी रहेको सहकारीमा ८ सय ३ जना शेयर सदस्य रहेका छन् । पाल्पा, रुपन्देही र गुल्मीमा शाखा कार्यालयमार्फत सहकारीले काम गरिरहेको अध्यक्ष केशवराज ढकाल(सरेश)ले जानकारी दिए ।