खोज

कावासोतीमा एकै दिन तीन वटा कार्यलयको उद्घाटन गरिएको छ । गण्डकी प्रदेशका स्थानीय विकास तथा पूर्वाधार मन्त्री रामशरण बस्नेतले नवलपरासी जिल्ला वर्दघाट सुस्ता पूर्व नवलपुरको कावासोतीमा तिन वटा कार्यलयको उद्घाटन गरेका हुन् ।
उनले नवलपुरको सदरमुकाम कावासोतीको वडा नं. ३ मा यातायात व्यवस्था सेवा कार्यलय, पूर्वाधार विकास कार्यलय, र जलस्रोत तथा सिंचाइ विकास डिभिजन कार्यलय गरि तीन वटा कार्यालयको उद्घाटन थरेका हुन् । शुक्रवार उद्घाटन गरीएको कार्यलयले सेवाग्राहीहरूलाई दिनु पर्ने सेवा सुबिधा सुचारु समेत गरेको जनाइएको छ ।
कार्यक्रममा यातयात ब्यवस्था सेवा, पूर्वाधार विकास, तथा जलस्रोत विकास डिभिजन कार्यलय जिल्ला नवलपुरका अध्यक्ष मोति भट्टराई, नवलपुर जिल्ला समन्वय समितिका प्रमुख चेसराम आले, प्रमुख जिल्ला अधिकारी दिपकराज नेपाल, सांसद ओमकला गौतम, सांसद जनकलाल श्रेष्ठ,कावासोती नगरपालीकाकी मेयर चन्द्राकुमारी पुन, गैडाकोट नगरपालिकाका मेयर छत्रराज पौडेल, देवचुली नगरपालिकाका पूर्ण कुमार श्रेष्ठ, उद्योग वाणिज्य संघ नवलपुरका अध्यक्ष डासुराज पोख्रेल लगायतले नवलपरासी जिल्लालाई दुई भागमा विभाजन गरेसँगै अहिले नवलपुर जिल्लामा विभिन्न सरकारी कार्यालयहरूको स्थापना भईरहेकोले जिल्लाबासीहरूलाई निकै सहजता हुने विश्वास व्यक्त गरेका छन् ।