खोज

 बुटवल पुस
नेपाल प्रहरी राजर्माग सुरक्षा तथा ट्राफीक व्यवस्थापन कार्यालय बुटवलमा सरुवा भई आएका कार्यालयप्रमुख प्रहरी उपरीक्षक श्यामकृष्ण अधिकारीले दुघर्टना न्युनीकरण ट्राफीक व्यवस्थापन पहिलो काम भएको बताएका छन् । उनले आम जनताहरुमाझ ट्राफीक जनचेतना जगाउनु मुख्य कामभएको बताएका हुन ।
दुर्घटना न्यूनीकरण तथा ट्राफीक व्यवस्थापनमा आफुले पुर्णरुपमा कानून कार्यान्वयन गराउने बताएका हुन । सवारी दुर्घटनाबाट धेरैको ज्यान जानुको साथै धनजनको समेत क्षती हुुने गरेको भन्दै उनले यसलाई रोक्नै सबै पक्ष लाग्नुपर्ने बताएका हुन ।
प्रमुख अधिकारीले ट्राफीक प्रहरीले मापसे चेकिड्ड क्रस चेकजाँचलाई कडाई गर्दै लाजाने बताउँदै प्रहरीको चेकीड्डले धेरैको ज्यान जोगिनसक्ने हुँदा व्यवस्थीत रुपमा सञ्चालनगर्न लागिएको बताएका थिए ।
ट्राफीक प्रहरीले गलत गरेको पाइएमा तुरुन्त कावाहीका लागि सिफारिस गर्ने भन्दै उनले बुटवल उपमहानगरपालीका भित्र विना दर्ता सञ्चालनमा आएका रिक्सा आईतबार देखि सञ्चालनमा रोक लगाइएको बताए ।उनले अवैध रिक्सा नियत्रण अभियान सुरु गरीएको बताएका थिए ।
कार्यक्रममा नेपाल पत्रकार महासंघ रुपन्देहीका अध्यक्ष रामराज पोख्रेलले बुटबलमा सवारी चाँप बढदो रहेकाले यसलाई व्यवस्थित गर्न जरुरी रहेको बताएका थिए । ट्राफीक प्रहरीले बुटबलका मुख्य बजारमा सवारी पार्कीङ्गले आवागमनमा समस्या भएको भन्दै बजार भित्रका मुख्य–मुख्य चोकमा ‘नो पाकीङ्ग बोर्ड’ राख्न सुरु गरेको ट्राफीक प्रहरी कार्यालय बुटवलका बरिष्ठ प्रहरी नायव निरीक्षक ज्ञानु पान्डेले बताए ।