खोज

सर सबै यात्रुका लगेज हुन् ।
किन राखेको ?
के गरौं सर यति त भइ हाल्छ !
हुँदैन ?
मिलाउनु न सर……..!
यो कुनै कुरा सिनेमाको संवाद होइन । यो संवाद रूपन्देहीबाट पहाडी जिल्ला प्रवेशको मुख्य नाका ठानीने चिडीया खोलाको हो । अस्थायी ट्राफिक पोष्टमा ड्युटिमा कार्यरत ट्राफिक प्रहरी र बुटवल देखी गुल्मीका लागि छुटेको जीपका चालक बीच यस्तै कुरा भइराख्छ । उक्त पोष्टमा एक दिन यस्तै कुरा हँुदै थियो ।
सवारी दुर्घटना र अपराध न्यूनीकरणका लागि भन्ने उद्देश्यले स्थानीय अस्थायी यस ट्राफीक पोष्टमा ड्युटिमा रहेका ट्राफीक प्रहरीलाई कमाइ गर्न बलियो माध्यम बनेको छ यो पोष्ट ।
उत्तर दक्षिण जोड्ने एक मात्र मुख्य राजमार्गको मूख्य नाकामा स्थापीत अस्थायी पोष्टमा कार्यरत ट्राफिक प्रहरीले सवारी ऐन नियम विपरित सवारी हाँके बापत उठाउने सरकारी राजस्वको तुलनामा चार दोब्बर रकम र व्यक्तिगत राजस्व वापत संकलन गर्दै आएका छन् ।
बुटवल–गुल्मी रुटका जीप चालक अर्जुन भुसाल भन्दछन्–‘बुटवलबाट तम्घास सम्म पुग्दा धेरै यस्ता पोष्ट पार गर्नुपर्दछ । तर यहाँ जस्तो दुःख कहिँ कुनै पोष्टमा कार्यरत ट्राफिकले दिँदैन्  । रसिद काटे एक हजार रसिद नलिएर पाँचसय सय रूपैयाँ दिनु पर्दछ । उनीहरूले भनेजति नदिए गाडी रोकी दिन्छन् ।
यात्रुवाहक सवारी साधनमा यात्रुले आफ्नो सामान सिटमा राख्यो भने पनि ट्राफीक प्रहरीलाई धेरै पैसा दिएर खुशी गराउनु पर्ने बाध्यता चालकको हुन्छ । गुल्मी रुटका जिप चालक दान बहादुर नेपाली बताउँछन् ।
बुटवलबाट सिद्धबाबा मन्दिरको दर्शनका लागी यात्रु उभ्याएर राखेवापत ५ सय रूपैयाँ ट्राफिक प्रहरीको व्यक्तिगत राजस्वमा जम्मा गरेको बुटवल–पाल्पा रुटका चालक विमल चौधरीले बताए ।
झण्डै तीन महिनामा पाल्पा रुटमा नम्बर पर्दछ कमाइ राम्रै भए पनि ट्राफीक प्रहरीको व्यवहारले गर्दा नम्बर मिस गरौ जस्तो हुन्छ उनले भने ।
प्रहरी स्रोतका अनुसार ६/६ घण्टा को ड्युटी हुन्छ । दिउँसो भन्दा बिहान बेलुका ड्युटि पर्नेले धेरै रकम उठाउन सक्ने स्रोत बताउँछ । रूपन्देही स्थित ट्राफीक प्रहरी कार्यालयमा एक जुनियर अधिकृतले आफ्नो नाम उल्लेख नगरी दिने शर्तमा भने–‘केही न केही चलखेल तलबाट माथि सम्म छ ।’ यो विषयमा पटक पटक गुनासो पनि आएको हो तर न्यूनीकरण नभएकोमा उनी द· परे ।
गाडीको ढोका खुल्ला भए गल्लीमा पनि यात्रु उम्मायो भने वसको एकहजार रूपैयाँ सम्म दशा लाग्यो भनेर जाने हुन्छ त्यसमा आफू एक पटक पिडीत भइसकेको बस चालक विनोद गौतमले बताए ।