खोज

पत्रकार, प्रहरी र कानुन कार्यान्वयन पक्षको बीचमा सहकार्यले विपन्न तथा सिमान्तकृत समुदायलाई न्याय दिलाउन सकिने सरोकारवालाहरूले बताएका छन् ।
नेपाल पत्रकार महासंघ रूपन्देहीले सर्च फरक कमन ग्राउण्डसँगको सहकार्यमा सोमबार बुटवलमा आयोजना गरेको सुरक्षार न्याय क्षेत्रका सरोकारवालाहरूसँग सञ्चारकर्मी संवाद कार्यक्रममा सहभागीहरूले यस्तो विचार व्यक्त गरेका हुन् ।
कार्यक्रममा उच्च अदालत तुल्सिपुर बुटवल इजलासका मुख्य न्यायाधीश कुमार प्रसाद पोखरेलले न्यायधिशले कसैको पनि अनुहार हेरेर फैसला नगर्ने बताएका छन । उनले मिसिलमा भएको तथ्यर कागजी प्रमाणका आधारमा फैसला गर्दै आएको बताए । समाजले अपराधी ठानेकालाई न्यायलयले छुटकारा दिने गरेको प्रसंगमा मुख्य न्यायाधीश शर्माको यस्तो भनाई आएको हो । उनले समाजले बुझेको कुरा सबै सहि नहुन पनि सक्ने भन्दै न्यायालय आफ्नो मूल्यर मान्यताबाट चल्ने बताए । उनले प्रहरीले संकलन गरेको कागजलाई पूर्ण प्रमाण मान्न नसक्ने बताए ।
हालसालै उच्च अदालत बुटवल इजालाशमा सरुवा भई आएका शर्माले संसारभरमा नेपालको न्यायलयले छिटोरहेको दावी समेत गरे । सिमान्तकृतर पछाडि पारिएका समुदाय न्यायलयसम्म आउन नसकेको स्विकार गर्दै त्यसलाई सुधार गर्ने अभियानमा लागेको बताए । मिडियार अदालतका विचमा एक आपसमै शंका गर्ने प्रवृत्तिले समस्या निम्तिएको बताए ।
आफू यो सम्बन्ध सुधार गर्ने पक्षमारहेको बताए । कार्यक्रममा बुटवल उपमहानगरका उपप्रमुख गोमा आचार्यले स्थानीय तहमा निर्वाचित भएको १४ महिनासम्म पनि कानुन निर्माणमै अल्झिनुपरेको गुनासो गरिन ।
कार्यक्रममा इलाका प्रशासन कार्यालय बुटवलका प्रमुख सुशिल बैद्य, नेपाल पत्रकार महासंघ रूपन्देहीका पूर्व अध्यक्ष बालकृष्ण चापागाई, विनोद पहाडी, शेर बहादुर केसी, दीपक ज्ञवाली, सल्लाहाकार माधव नेपाल, इलाका प्रहरी कार्यालय बुटवलका प्रहरी नायव उपरीक्षक डिल बहादुर मल्ल, मानव अधिकार आयोग प्रदेश ५ कार्यालय बुटवल प्रमुख पवन भट्ट, दलित महिला संघ रूपन्देही अध्यक्ष मनु खड्का, पत्रकार टिआर शर्मा,रेखा भुसाल, भगवती पाण्डे, कृष्ण मल्ल, माया गौतम,रीमा विसि लगायतले बोलेका थिए ।
पत्रकार महासंघले सोमबार नै गरेको अर्को संवाद कार्यक्रममा उच्च अदालत तुल्सिपुर बुटवल इजलाशकारजिष्टार ठगीन्द्र कट्टेलले अदालती प्रक्रियाका बारेमा नागरिकलाई सूचनाबाट बेखबर हुने वातावरण नरहेको बताए । मानव अधिकार मानव अधिकार तथा शान्ति समाजका केन्द्रीय उपाध्यक्ष गोविन्द खनालले पत्रकारितालाई पहिलो न्यायलय भनेर भनिने बताए । उनले न्याय दिने सवालमा सबै पक्षको भूमिका उतिकै जिम्मेवार हुनुपर्ने बताए । तिलोत्तमा नगरपालिकाका प्रवक्ता सुरेन्द्र श्री, बुटवल उपमहानगर न्यायिक समिति सदस्य गोमती सुनारले प्रहरी पनि उतिकै जिम्मेवार हुनपर्ने बताए । न्यायिक समितिले पार्टी भन्दा माथि उठेर न्याय गरेको उनीहरूको भनाइ थियो । कार्यक्रममा पत्रकारहरू ओम पंगेनी, लक्ष्मण पोखरेल, कपिल ज्ञवाली, कल्पना तिवारी,राजकुमार धवलले न्यायलयलेर प्रहरीले मुद्दा कमजोर बनाउन खोजेको बताएका थिए ।
पहिलो चरणको कार्यक्रम यानेन्द्र जिसिर सचिवरामप्रसाद आचार्य तथा दोस्रो चरणको कार्यक्रम निरु गौतम, सहसचिव विनोद परियार, सर्च फरक कमन ग्राउण्डका रुकैया खातुन लगायतले बोलेका थिए । à