खोज

बुटवल,१८ कात्तिक । नेकपा एमालेका सचिव गोकर्ण विष्टले गुल्मी २ मा मा आफ्नो प्रतिष्पर्धी कोही नभएको दाबी गरेका छन् । शुक्रवार बुटवलमा सञ्चारकर्मीहरूसँग बोल्दै आफूसँग प्रतिष्पर्धामा रहेकी रामकुमारी झाँक्रीलाई लक्षित गर्दै विष्टले झांक्री चुनाव जित्न नभई पर्यटन प्रवद्र्धन गर्न गाउँ डुलेको टिप्पणी गरे ।
चुनावपछि उनको मात्र नभई उनको पार्टी नेकपा एकीकृत समाजवादीको राजनीतिक भविश्य सकिने दाबी समेत विष्टले गरे । ‘चुनावपछि एकीकृत समाजवादी नामको खुद्रा पसल बन्द हुन्छ– विष्टले भने–‘तयो पार्टी राष्ट्रियताको सवालमामा स्खलित भएर नागरिकता विधेयक,लगाएत मुद्दामा उदार पुंजीवादी कांग्रेससंग सांठगांठ गर्न पुग्यो ।’
गुल्मी–२ बाट प्रतिनिधि सभा सदस्य पदका उम्मेदवारसमेत रहेका नेता विष्टले भने, ‘नेकपा एसको राजनीतिक भविश्य छैन । पार्टीबाट देशभर एमालेमा फर्किने क्रम निरन्तर बढ्दै गएको छ । खुद्रा पसल चुनावपछि पूर्ण रूपमा बन्द हुन्छ ।’
सांसद हुँदा १० हजार बजेट कही हालेको प्रमाण छैन । हामीले अगाडि बढाएका आयोजनालाई देखाएर चुनाव प्रचार गरिँदैछ । सांसद हुँदा ५ वर्षसम्म जिल्लामा नफर्किनेसँग तुलना हुँदैन । गुल्मीबासी सबैले हेक्का राखेका छन् ।’

स्थानीय तहमा ५६७ मत ल्याएको पार्टीसँग आफ्नो कुनै प्रतिष्पर्धा नहुने विष्टको भनाइ थियो । विष्टले एमालेले निर्वाचनमा बहुमत ल्याउने पनि दाबी गरे । एमालेको बहुमत देशको लागि आवश्यक रहेको भन्दै त्यहीँ अनुसार देशभर चुनावी माहोल बनेको विष्टले दाबी समेत गरे । गरिबी, बेरोजगारीबाट जनतालाई माथि उठाउन अहिलेको चुनाव महत्वपूर्ण रहेको बताउँदै सही पार्टी र उम्मेदवारलाई छनोट गर्न सचिव विष्टले मतदातालाई आग्रह गरे ।

‘हाम्रो पार्टी समृद्ध नेपाल सुखी नेपालीको अभियानलाई पूरा गर्न हामी अभियानमा जुटेका छौँ त्यहीअनुसार जनता पनि उत्साहित भएर चुनावमा लाग्नुभएको छ’, विष्टले भने । पूर्वमन्त्री विष्टले एमालेले घोषणापत्रमा समावेश गरेका सबै कार्यक्रमहरु पूर्ण कार्यान्वनमा आउने दाबी गरे । आफूले अगाडि सारेका विकास आयोजना गुल्मीको विकासमा महत्वपूर्ण रहेको विष्टले बताए ।