© २०२३
४ आश्विन २०८१, शुक्रबार
४ आश्विन २०८१, शुक्रबार
बुटवल, १६ कात्तिक । गृहमन्त्री बालकृष्ण खाँणले सबैको साझा प्रयत्नमा आगामी निर्वाचन शान्तिपूर्ण रुपमा सम्पन्न हुने विश्वास व्यक्त गरेका छन् ।
बुटवलमा आयोजित लुम्बिनी प्रदेश स्तरीय सुरक्षा बैठकमा बोल्दै उनले स्थानीय पालिकाको निर्वाचन सम्पन्न गर्न सबैको सहयोग रहेकाले आगामि निर्वाचन पनि सबैको सहयोगमा शान्तिपूर्ण हुने बताए ।
गृहमन्त्री खाणले नागरिकको जीवन रक्षा गर्नु सरकारको पहिलो दायित्व भएको बताउँदै नागरिकको सुरक्षा र सम्पत्तिको रक्षाका लागि सरकार सधैँ प्रतिवद्ध रहेको उल्लेख गरे ।
उनले राष्ट्रसेवक कर्मचारी, सुरक्षा निकायसँगको समन्वयमा प्रतिनिधिसभा र प्रदेश सभाको निर्वाचन भयरहित वातावरणमा सम्पन्न हुने बताए ।
सुरक्षा बैठकमा प्रदेशको सुरक्षा अवस्था र आगामी निर्वाचनबारे छलफल हुने छ । बैठकमा विभिन्न जिल्लाका प्रमुख जिल्ला अधिकारी तथा सुरक्षा निकायका प्रमुखहरुको प्रस्तुती रहने रुपन्देहीका प्रमुख जिल्ला अधिकारी भरतमणि पाण्डेले जानकारी दिए ।
बैठकमा प्रदेशका १२ वटै जिल्लाका विभिन्न सुरक्षा निकायका प्रमुख तथा प्रतिनिधीहरु र प्रमुख जिल्ला अधिकारीहरुको सहभागिता रहेको छ ।
© २०२३
सर्वाधिकार सुरक्षित
Design & Developed By:
