खोज

रोल्पा १५ कार्तिक । शैक्षिक सत्र सुरु भएको ६ महिना वितिसक्दा समेत रोल्पाका विद्यार्थीले अझै पाठ्यपुस्तक पाउन सकेका छैनन । शैक्षिक सत्र सुरु भएको आधा भन्दा वढी समय बितिसक्दा समेत किताव नपाउदा उनीहरुको पठनपाठ प्रभावित भएको छ ।
नेपाल सरकारले कक्षा १२ सम्मका पाठ्यपुस्तकहरु निःशुल्क वितरण गर्दै आएपनि समयमै विद्यार्थीले नपाउदा समग्र पढाई प्रभावित भएको अभिभावकहरुले गुनासो गरेका छन । हाल अंग्रेजी माध्यमवाट पठानपाठन हुने कक्षा १,२,३,४,७ र ९ को सवै विषय र कक्षा १० को भूगोल विषयको पाठ्यपुस्तकहरु आएका छैनन । कक्षा ११ को नेपाली, अंग्रेजी,सामाजिक र कक्षा १२ को सामाजिक विषयको पाठ्यपुस्तक आएका छैनन ।
रोल्पामा शैक्षिक सुधारको नाममा अधिकांश विद्यालयले अंग्रेजी माध्यमवाट पठनपाठन सुरु गरेपनि समयमा पाठ्यपुस्तक नपुग्दा पठनपाठन प्रभावित हुने गरेको छ । नेपाली माध्यमवाट पठनपाठन हुने पाठ्यपुस्तकहरु केही र अंगे्रजी माध्यमवाट पठनपाठन हुने अधिकांश पाठ्यपुस्तक उपलव्ध नभएको साझा प्रकाशनको अधिकृत विक्रेताहरुको भनाई छ ।
आफुले समयमै पुस्तक उपलव्ध गराउन धेरै कोशिस गरेपनि पहँुचका आधारमा पाठ्यपुस्तक वितरण हुदा रोल्पा प्राथमिकतामा परेन साझा प्रकाशनको अधिकृत विक्रेता घनश्याम आचार्यले भने । विद्यार्थीहरुको हात हातमा समयमै पाठ्यपुस्तक उपलव्ध गराउन धेरै अनुनयन विनय गरियो तर रोल्पा प्राथमिकतामा नपर्दा ६ महिना वित्दा समेत विद्यार्थीहरु किताव विनै विद्यालय जान वाध्य भएका छन आचार्यले भने । अहिलेको राजनीतिमा प्रभावशाली भूमिकामा रहेका रोल्पाली नेताहरुको संख्या धेरै भएपनि विद्यार्थीको हातमा पाठ्यपुस्तक पु¥याउने विषय उनीहरुको समेत प्राथमिकतामा परेन आचार्यले भने । नेताहरुलाई समेत पटक पटक अनुरोध ग¥यौ आचार्यले भने ।
चालु शैक्षिक सत्रको अव ६ महिना मात्रै वाँकी रहदा किताव हातमा आइपुग्ने हो होइन अझै टुंगो छैन अभिभावक दामोदर आचार्यले भने । विद्यार्थीले किताव नै नपाउदा के पढ्ने उनले प्रश्न गरे । सरकार र राजनैतिक दलको प्राथमिकतामा शिक्षा नपर्दा यस्तो नियती भोग्नु परेको उनको भनाई छ । निर्वाचनका मत पत्र र राजनैतिक दलका घोषणा पत्र रातारात छपाई हुन्छन तर किताव छपाई प्राथमिकतामा पर्दैन आचार्यले गुनासो गरे ।
रोल्पा सदरमुकाम लिवाङमा रहेको बालकल्याण नमूना माविले पाठ्यपुस्तक नआउदा फोटो कपि वितरण गरेर पठन पाठन गरिरहेको वताएको छ । तल्ला तहका कक्षाहरुमा पाठ्यक्रम विकास केन्द्रको वेवसाईटमा राखिएको पाठ्यपुस्तकलाई फोटोकपी गरेर विद्यार्थीलाई वितरण गरि पठनपाठन अघि वढाएका छौ विद्यालयका सहायक प्रधानाध्यपक लेखमणी खड्काले भने ।
कक्षा ९ को अंग्रेजी माध्यमको गणित ऐच्छिक विषयहरु गणित, भूगोल कक्षा ८ को सामाजिक, अंग्रेजी माध्यमको कम्प्यूटर विज्ञानका पाठ्यपुस्तकहरु आफ्नो विद्यालयमा आई नपुगेको सहायक प्रधानाध्यापक खड्काको भनाई छ । सहायक प्रधानाध्यापक खड्कका अनुसार उक्त विद्यालयमा कक्षा ११ र १२ को अनिवार्य अंग्रेजी,नेपाली,सामाजिक अध्ययन र जीवनउपयोगी शिक्षा विषयका पाठ्यपुस्तक समेत आएका छैनन ।
शिक्षकहरुले “करिकुलम” अनुसार विद्यार्थीलाई नोट लेखाएर पढाइरहेका छन, कक्षा निरन्तर चलिरहे पनि विद्यार्थीको हातमा किताव नहुदा निकै सकस भएको छ खड्काले भने ।