खोज

विद्यार्थीलाई परिक्षाबाट निष्कासित गरिएको बिषयमा नेपालगन्जको एक स्वास्थ्य प्राविधिक कलेजका सन्चालकले वार्तामा बोलाएर विद्यार्थी नेता कुटाएका छन् । नेपाल विद्यार्थी संघ महेन्द्र बहुमुखी क्याम्पसका कार्यबहाक ईकाई सभापति चन्द्र प्रकाश देवकोटा नेपालगन्ज हेल्थ क्याम्पसका संचालक मैकुलाल वाल्मिकीको निर्देशनमा कुटिएका हुन् ।
नेपाली काँग्रेसबाटै २०७० सालमा सभाषद बनेका वाल्मिकीले परिक्षार्थी निष्कासित भएको बिषयमा बार्तामा आउन भन्दै देवकोटालाई बोलाएर बाहिरका केटाहरू लगाएर कुटपिट गरिएको नेपाल बिद्यार्थी संघ सिटिईभिटी इकाई उपाध्यक्ष सुरज थापाले बताए । नेपालगन्ज हेल्थ क्याम्पसका विद्यार्थी राजेन्द्र बडुवाललाई क्याम्पसले बार्षिक परिक्षाबाट वञ्चित गराएको भन्दै नेवि संघ निकट विद्यार्थीहरूले आन्दोलन गर्दै आएका थिए । त्यही विषयमा वार्ता गर्ने भन्दै सोमबार क्याम्पसका निर्देशक बाल्मिकीले देबकोटा र नेवि संघका केन्द्रिय उपाध्यक्ष तथा ५ नम्बर प्रदेश संयोजक सुरज थापालाई क्याम्पसमा बोलाएका थिए । देवकोटाका अनुसार वार्ताकालागि क्याम्पस पुगेका उनीहरूलाई वाल्मिकीले हातपात गरेको र त्यसपछि १०÷१२ जनाको सँख्यामा रहेका युवाहरूले कुटपिट गरेका थिए । कुटपिटबाट देवकोटा गम्भीर घाईते भएका छन् । हाल उनको नेपालगन्ज शिक्षण अस्पतालमा उपचार भईरहेको छ । घाइते बिद्यार्थीलाई नेपाली काँग्रेस बाँकेकी सभापति किरण कोइराला लगायतले भेटेका थिए । बाल्मिकीले भने घटना भएको अस्विकार गरेका छन् ।à