खोज

प्रदेशसभा सदस्य बैजनाथ जैसवाल आक्रोस पोख्न नगरपालिका पुगेका छन्् । ५ नं.प्रदेशसभा सदस्य जैसवाल गाँउमा काम विशेषले गाँउमा छिर्दा गाँउको हिलाम्य बाटो देखाउदै उनलाई तथानाम गाँउलेले गाली गरे पछि बाटो किन मर्मत नगराई दिएको भन्दै उनि मंगलवार रामग्राम नगरपालिका माथि आक्रोस पोख्न पुगेका हुन् ।
भोट माग्न घरदैलो गर्ने,विकासको सपना बाड्दै भोट बटुल्ने जनप्रतिनिधीहरुलाई गाँउमा सडक सबै हिलाम्य भएर आँउजाउ गर्न कठिनाई हुन थाले पछि जनप्रतिनिधिहरु माथि जनता आक्रासित बनेको अवस्था छ । त्यही बेला मंगलवार प्रदेशसभा सदस्य जैसवाल आफ्नो पेट्रोल पम्प रहेको रामग्राम १७ पटखौलीमा पुगे पछि हिलो देखाउदै स्थानियले तथानाम गाली गरेका थिए । गाँउलेले मलाई केही बाकी राखेनन,उनले रामग्राम नगरपालिका पुगेर प्रमुख प्रशासकिय अधिकृत दिनेशराज पंथलाई आक्रोस पोखे,तपाईहरु के हेरेर बस्नु भएको छ, हामी गाँउ घुम्न पनि नपाउने अवस्था भयो । समान्य बाटोको मर्मत पनि नगरि दिएर बाटो हिलाम्य भएको छ ।
अहिले गाँउमा गयो कि गाँउलेले गाली गरिहाल्छन्,भनेर कतिपय आफन्तको निम्तो मान्न पनि जान सकिने अवस्था भएन् । उनले थपे,रामग्राम नपाकै हकुई मेरो ससुराली गाउ हो,निम्तो आएको छ,तर गाँउमा गयो कि तथानाम गाली सुन्न पर्छ । नगरपालिकाले गाँउको समान्य बाटो पनि मर्मत नगरि दिदा त्यसले गाँउलेको झोकमा प्रदेशसभा सदस्य पर्ने गरेका छन् । गाँउको विकासका काम स्थानिय तहले गर्नु पर्ने हो,उनले प्रशासकिय अधिकृत पंथसंग झोक्किदै भने, सबै डाडु पन्यु तपाईहरुको हातमा छ,तर गाँउको सडकको बेहाल हेर्न समेत जानु भएको छैन् । घुम्दै फिर्दै हामी जादा गाँउलेको झोकमा हामी पर्ने गरेका छौ । नगरपालिका कार्यालयसंगै जोडिएका सदरमुकामका सडक समेत हिलाम्य बनेका छन्,उनले विभिन्न सडकको नाम उल्लेख गर्दै प्रमुख प्रशासकिय प्रति आक्रोस पोखे, के अब ति काम पनि प्रदेशसभा सदस्यले गरिदिइने हो ?
नगरपालिकाले लगाएको अत्याधिक करको बारे त्यतीकै गाली हामीले खान परेको छ । त्यसमा पनि सडक हिलाम्य हुदा त्यसको आक्रोस पनि खेप्न परेको छ । प्रदेशसभाले सुविधाबारे कानुन बनाईदिदा मेयर देखी वार्ड सदस्यसम्म प्रति महिना ३५ हजार देखी ८ हजार सुविधा लिईने एक मतले नगरसभामा प्रस्ताव पास भयो,तर स्थानिय तहका कर्मचारीले सुविधाबारे निर्णय भई राख्दा बाटो र जनता माथि पर्ने करको भारबारे पनि सम्झाई दिन पथ्र्यो । जवाफमा प्रशासकिय अधिकृतले जनप्रतिनिधि र स्थानिय तहका कर्मचारीको सेवा सुविधा थपिदा जनता माथि करको भार आउनु स्वभाविक भएको बताए ।
त्यसमा पनि गाँउको बाटो घाटोको मर्मत सम्भारका लागि पनि वार्ड तहबाटै योजना बनेर आयो,जनप्रतिनिधिले नै पास गरे,उपभोतmा समिति मार्फत नै काम गराए,त्यसमा प्रमुख प्रशासकिय अधिकृतले के गर्न सक्छ र ? उनले आफ्नो पुरा कुरा नभ्याउदै प्रदेशसभा सदस्य जैसवालले रोकिहाले,जनताबाट निर्वाचित हुने जनप्रतिनिधि भन्दा तपाईहरु स्थाई सरकार हो,उनि भन्दा गम्भिर भएर तपाईहरुले गाउलेको समस्या हेरिदिन पर्ने होईन,उनले भने, जनप्रतिनिधिलाई सबै तयार गराएर पास गराउने तपाई कर्मचारीहरु नै भएकोले बढि जिम्मेवारी लिईनु पर्ने जैसवालको भनाई थियो ।
राजस्वको अन्य स्रोत पनि हामी देखेका छौ उनले प्रशासकिय अधिकृत पंथलाई ध्यानाकर्षण गराउदै भने, अहिले खोलानालाबाट बालुवाको चोरी निकासी हुदा दैनिक पचास हजार नोक्सानी भई रहेको प्रति नगरपालिका गम्भिर नहुने र जनताको घाटी नै निमोठिने गरि कर लगाउन कतीको उचित हो ? जनताले करको भार कति थोग्ने ? सम्पती एका तिर लुटिदा नगरपालिकाको कर्मचारी तन्त्र चुप लागेर बस्ने ,रोक्ने प्रयास नगर्ने अनि सुविधा भन्दै जथाभावी करको भार थोपार्ने अनैतिक कार्य भएको हुदा त्यसलाई तत्काल सच्याउनु पर्ने उनले निर्देशन दिएका थिए । कार्यलयमा मेयर र उपमेयर दुबै जना नभएको अवस्थामा प्रदेशसभा सदस्यको आक्रोसको चपेटामा प्रमुख प्रशासकिय अधिकृत परेका थिए । प्रदेशसभा सदस्य निर्वाचित भए देखी पहिलो पटक नगरपालिकामा आक्रोस पोख्न पुगेका थिए । अन्तमा प्रशासकिय अधिकृत पंथले मेयर आए पछि गाँउको बाटो घाटो र करको बारे बोर्ड बैठक बोलाएर छलफल चलाउने प्रतिवद्धता दोहर्याएका थिए ।